Hjúkrunarfræðingur - Landspítali, speglunardeild - Reykjavík - 201801/020

 

Hjúkrunarfræðingur óskast á speglunardeild LSH
 
Starf hjúkrunarfræðings á speglunardeild Landspítala er laust til umsóknar. Um er að ræða dagvinnu ásamt þátttöku í bakvöktum eftir að þjálfun lýkur. Starfið er laust nú þegar eða eftir nánara samkomulagi. 

Á speglunardeild starfar um 25 manna hópur samhentra starfsmanna, í nánu samstarfi við fjölmarga fagmenn Landspítala. Starfsstöðvar eru tvær, við Hringbraut þar sem stærri hluti speglana fer fram, auk þess sem speglað er í Fossvogi. Í boði er góð einstaklingsaðlögun undir leiðsögn reyndra hjúkrunarfræðinga og frábært starfsumhverfi. 

Helstu verkefni og ábyrgð
Á deildinni eru m.a. gerðar maga-, ristil-, gall-, lungna- og ómspeglanir ásamt flóknum inngripum í speglunum s.s. stoðnetsísetningar. Starfið er því fjölbreytt og krefjandi. Í því felst hjúkrun og aðhlynning sjúklinga ásamt aðstoð við aðgerðir sem eru framkvæmdar í gegnum speglunartæki svo og umsjón með tækjum.

Hæfnikröfur
» Góð samskiptahæfni og sjálfstæð vinnubrögð
» Hæfni og geta til að starfa í teymi
» Faglegur metnaður 
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 29.01.2018

Nánari upplýsingar veitir
Þórhildur Höskuldsdóttir - [email protected] - 825 6030
Þórgunnur Hjaltadóttir - [email protected] - 825 5136

LSH Speglun H
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn