Skurðhjúkrunarfræðingur - Landspítali, skurðstofur kvennadeildar - Reykjavík - 201801/019

 

Skurðhjúkrunarfræðingur - Skurðstofur kvennadeildar
 
Skurðhjúkrunarfræðingur óskast til starfa á skurðstofur kvennadeildar við Hringbraut. Starfið laust frá 1. febrúar 2018 eða eftir nánari samkomulagi. Í boði er áhugavert starf með góðu samstarfsfólki þar sem unnið er á dagvinnutíma auk húsvakta og bakvakta eftir að þjálfun lýkur. Til greina kemur að ráða hjúkrunarfræðing sem hefur áhuga á námi í skurðhjúkrun.

Á skurðstofum Landspítala kvennadeildar starfa 15 skurðhjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum. Starfsmenn deildarinnar telja um 20 alls. Á deildinni eru 4 skurðstofur þar sem sinnt er kvenaðgerðum og aðgerðum tengdum fæðingarhjálp. Árlega eru framkvæmdar þar um 3000 aðgerðir. Skurðstofur heyra undir aðgerðasvið sem annast rekstur skurðstofa, gjörgæsludeilda, Blóðbanka, dauðhreinsunardeildar auk speglunardeildar.
Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

Helstu verkefni og ábyrgð
» Einstaklingshæfð hjúkrun við undirbúning, framkvæmd og skil í skurðaðgerðum samkvæmt skipulagi deildar
» Ákveður, skráir og veitir hjúkrunarmeðferð í samráði við þarfir skjólstæðinga og ber ábyrgð á meðferð, samkvæmt starfslýsingu og vinnureglum deildar

Hæfnikröfur
» Íslenskt hjúkrunarleyfi
» Sérnám í skurðhjúkrun en til greina kemur að ráða hjúkrunarfræðing sem hefur áhuga á námi í skurðhjúkrun
» Faglegur metnaður
» Góð samskiptahæfni og lipurð í mannlegum samskiptum
» Sjálfstæði í vinnubrögðum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum.

Landspítali er lifandi og fjölmennur vinnustaður með um 5.100 starfsmenn. Hann er aðalsjúkrahús landsins og miðstöð menntunar og rannsókna í heilbrigðisvísindum. Á Landspítala er lögð áhersla á öryggi, jafnrétti, ábyrgan rekstur, góðan starfsanda og bættan húsakost.

Starfshlutfall er 80 - 100%
Umsóknarfrestur er til og með 29.01.2018

Nánari upplýsingar veitir
Áslaug Sigríður Svavarsdóttir - [email protected] - 825 3588
Þórgunnur Hjaltadóttir - [email protected] - 825 5136

LSH Skurðstofur K - rekstur
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn