Sérfræðingur - Kvikmyndasafn Íslands - Hafnarfjörður - 201801/028



SÉRFRÆÐISTARF HJÁ KVIKMYNDASAFNI ÍSLANDS

Kvikmyndasafn Íslands óskar eftir að ráða sérfræðing til starfa við nýja skannastöð safnsins sem nú er í mótun. Aðalverkefni safnsins eru söfnun, varðveisla, skráning, rannsóknir og miðlun kvikmynda. Kvikmyndasafnið er til húsa við Hvaleyrarbraut 13 í Hafnarfirði. 

Starfssvið:
Skönnun kvikmynda í nýjum ScanStation 5.1 K skanna safnins.
Afritun kvikmynda af ýmsum tegundum myndmiðla, svo sem af myndbandsmasterum af ýmsum gerðum, hljóðfilmum, snældum, segulböndum o.s.frv.
Litgreining kvikmynda sem safnið gerir upp.
Tölvuhreinsun kvikmynda.
Eftirvinnsla kvikmynda (samsetningar, kvikmyndaklipping, vinna með hljóð o.s.frv.)
Vinna með stafrænar kvikmyndaskrár, flokkun þeirra, skráning í gagnagrunn safnsins og afritun til framtíðarvarðveislu (back-up). 
Vinnsla stafrænna ljósmynda.

Hæfniskröfur:
Nám og eða reynsla á sviði eftirvinnslu kvikmynda.
Nám og/eða reynsla á sviði litgreiningar almennt.
Þekking á klippiforritum, sem og á ljósmynda-, ritvinnslu-, og töflureiknisforritum. 
Frumkvæði og nákvæmni í vinnubrögðum ásamt hæfni í mannlegum samskiptum. 

Æskilegt:
Menntun á háskólastigi á einhverjum þeirra sviða sem tiltekin eru undir hæfniskröfum. 
Gott vald á íslensku máli, ensku og a.m.k. einu Norðurlandamáli. 
Reynsla af vinnu við gagnagrunna.
Áhugi og þekking á kvikmyndamálum, þ. m. t. innlendri og erlendri kvikmyndasögu en einnig á íslenskri 20. aldar menningarsögu.
Möguleiki á sveiganlegum vinnutíma.

Laun samkvæmt gildandi kjarasamningi sem fjármála- og efnahagsráðherra og viðeigandi stéttarfélag hafa gert. 
Starfshlutfall er 100%. Konur jafnt sem karlar eru hvattar til að sækja um starfið. Öllum umsækjendum verður svarað.

Umsóknir með upplýsingum um menntun og starfsferil skulu berast með tölvupósti á [email protected] eða í venjulegum pósti til Kvikmyndasafns Íslands, Hvaleyrarbraut 13, 220 Hafnarfjörður. Ekki er um sérstök umsóknareyðublöð að ræða en umsóknum skulu fylgja ferilskrá og kynningarbréf. 

Umsóknarfrestur og skil á umsóknum er til mánudagsins 12. febrúar n.k. Umsækjandi þarf að geta hafið störf sem fyrst.

Nánari upplýsingar um starfið veitir Erlendur Sveinsson, forstöðumaður Kvikmyndasafns Íslands ([email protected]). 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn