Forstöðulæknir svæfinga- og gjörgæslulækninga - Sjúkrahúsið á Akureyri - Akureyri - 201801/065

 

Forstöðulæknir svæfinga- og gjörgæslulækninga- Sjúkrahúsið á Akureyri
 
Laus er til umsóknar staða forstöðulæknis svæfinga- og gjörgæslulækninga við Sjúkrahúsið á Akureyri (SAk). Staðan veitist frá 1. apríl 2018

Sjúkrahúsið á Akureyri veitir almenna og sérhæfða heilbrigðisþjónustu, þar sem áhersla er lögð á bráðaþjónustu og helstu sérgreinameðferðir. Það er annað tveggja sérgreinasjúkrahúsa landsins, er kennslusjúkrahús og þekkingarstofnun sem leggur metnað sinn í kennslu og rannsóknir í heilbrigðisvísindum. SAk leggur áherslu á samvinnu við heilbrigðisstofnanir á landsbyggðinni. 

Helstu verkefni og ábyrgð
Forstöðulæknir svæfinga- og gjörgæslulækninga stjórnar svæfinga- og gjörgæslulækningum á Sjúkrahúsinu á Akureyri og er leiðandi um fagleg læknisfræðileg málefni. Hann fer með verkstjórn yfirlækna, sérfræðinga, almennra lækna og annara starfsmanna sem undir hann heyra. Hann ber ábyrgð á skipulagi vinnu- og vaktafyrirkomulags og mönnun í samræmi við markmið um rekstur, fjárhagsramma og hagkvæma nýtingu mannafla. Hann starfar einnig sem sérfræðingur á sviðinu eftir því sem aðstæður leyfa. Forstöðulæknir svæfinga- og gjörgæslulækninga eða hans staðgengill er formaður skurðstofunefndar. 

Hæfnikröfur
Fullgilt lækningaleyfi og sérfræðiréttindi. Reynsla af stjórnun, hæfni á sviði samskipta og samvinnu, frumkvæði og sjálfstæði í vinnubrögðum. Umsögn stöðunefndar lækna sjúkrahússins og stöðunefndar Embættis landlæknis. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
 
Umsóknum skal skilað rafrænt á vef sjúkrahússins www.sak.is

Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á.

Stöðunefnd lækna, sbr. 35. gr. laga um heilbrigðisþjónustu nr. 40/2007, metur hæfni umsækjenda.

ATH. Fylla þarf út lágmarksupplýsingar á almenna umsókn og setja viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan. 

Öllum umsóknum verður svarað þegar ákvörðun um ráðningu hefur verið tekin.

Við ráðningar í störf er tekið mið af jafnréttisstefnu sjúkrahússins. Sjúkrahúsið á Akureyri er reyklaus vinnustaður.

Gildi Sjúkrahússins á Akureyri eru: ÖRYGGI SAMVINNA FRAMSÆKNI

Sjúkrahúsið hefur hlotið alþjóðlega gæðavottun á starfsemi sinni

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 29.01.2018

Nánari upplýsingar veitir
Hulda Sigríður Ringsted - [email protected] - 4630100
Sigurður Einar Sigurðsson - [email protected] - 4630100

FSA Svæfinga- og gjörgæslulækningar
v/Eyrarlandsveg
600 Akureyri


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn