Hjúkrunarfræðingur - Heilsugæslan Hamraborg - Kópavogur - 201801/044

 

Hjúkrunarfræðingur við Heilsugæsluna Hamraborg
 
Heilsugæslan Hamraborg leitar eftir hjúkrunarfræðingi til starfa við heilsugæsluhjúkrun. Um 70% ótímabundið starf er að ræða og þarf viðkomandi að geta hafið störf sem fyrst eða eftir nánara samkomulagi.

Helstu verkefni og ábyrgð
Megin starfssvið eru almenn hjúkrunarstörf á heilsugæslustöð. Starfssvið hjúkrunarfræðinga í heilsugæslu er mjög fjölbreytt. Þeir sinna meðal annars heilsuvernd barna og fullorðinna, einstaklingum með langvinnan heilsuvanda, símaráðgjöf og bráðaþjónustu.

Hæfnikröfur
Íslenskt hjúkrunarleyfi er skilyrði og er æskilegt að viðkomandi hafi reynslu af heilsugæsluhjúkrun. Starfið krefst mikillar samskiptahæfni, reynslu af og áhuga á teymisvinnu og þverfaglegu samstarfi. Viðkomandi þarf að hafa faglegan metnað og vilja til að þróa og efla þjónustu heilsugæslunnar. Góð íslenskukunnátta er skilyrði. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu stofnunarinnar við ráðningu í starfið. Umsókn getur gilt í 6 mánuði.

Starfshlutfall er 70%
Umsóknarfrestur er til og með 29.01.2018

Nánari upplýsingar veitir
Alma María Rögnvaldsdóttir - [email protected] - 594 0500
Kristjana Sigrún Kjartansdóttir - [email protected] - 594 0500

HH Hamraborg hjúkrun
Hamraborg 8
200 Kópavogur


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn