Móttökuritari - Þroska- og hegðurnarstöð Heilsugæslu höfuðborgarsvæðisins - Reykjavík - 201801/055

 

Móttökuritari á Þroska og hegðunarstöð Heilsugæslu höfuðborgarsvæðisins
 
Heilsugæsla höfuðborgarsvæðisins auglýsir laust til umsóknar 100% ótímabundið starf móttökuritara, á Þroska- og hegðunarstöð. Viðkomandi þarf að geta hafið störf sem allra fyrst.

Helstu verkefni og ábyrgð
Starfið felst í símsvörun, bókunum, skráningu á námskeið, móttöku skjólstæðinga, uppgjöri, ljósritun og öðrum tilfallandi verkefnum. Að auki gefa móttökuritarar almennar upplýsingar um starfsemi stöðvarinnar og annarra starfseininga Heilsugæslu höfuðborgarsvæðisins. 

Hæfnikröfur
Heilbrigðisritaramenntun og/eða nám sem nýtist í starfi. Reynsla af móttökuritarastarfi er æskileg. Hæfni og lipurð í mannlegum samskiptum er nauðsynleg og þörf er á góðri almennri tölvukunnáttu. Reynsla af Sögukerfi er æskileg.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Stéttarfélag er SFR - stéttarfélag í almannaþjónustu.

Umsókn skal fylgja ítarleg náms- og starfsferilsskrá og staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.

Starfshlutfall er 100%
Umsóknarfrestur er til og með 29.01.2018

Nánari upplýsingar veitir
Gyða Sigurlaug Haraldsdóttir - [email protected] - 585-1350

HH Þroska- og hegðunarstöð Heilsugæslunnar
Þönglabakki 1
109 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn