Sérfræðingur í skipatæknideild - Samgöngustofa - Reykjavík - 201801/049

 


Sérfræðingur í skipatæknideild

Starfið: Samgöngustofa óskar eftir að ráða sérfræðing í skipatæknideild farsviðs. Starfið felst í mati á tæknigögnum um öryggi skipa og viðeigandi hönnunargögnum, t.d. yfirferð á stöðugleikagögnum, hleðsluprófanir, öryggisplön o.fl. Starfið felur í sér samskipti við útgerðir og flokkunarfélög vegna skoðana og tæknigagna. Starfshlutfall er 100%.

Menntunar- og hæfniskröfur:
Hafa lokið námi í skipa- eða véltæknifræði, skipa- eða vélaverkfræði.
Reynsla af störfum við tæknimál skipa er kostur.
Gott vald á íslensku og ensku í rituðu og töluðu máli. Þekking á dönsku, sænsku eða norsku er kostur.
Góð almenn tölvukunnátta.
Jákvæðni og færni í mannlegum samskiptum.
Þarf að geta unnið sjálfstætt.

Í boði er spennandi starf hjá metnaðarfullri stofnun í alþjóðlegu umhverfi. Við bjóðum uppá góða starfsaðstöðu og frábæra vinnufélaga. 

Umsóknarfrestur er til  29. janúar 2018.

Hægt er að sækja um starfið rafrænt á www.samgongustofa.is/storf

Nánari upplýsingar veitir Kristinn Ingólfsson, deildarstjóri skipatæknideildar  í síma 480 6000. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Starfskjör eru í samræmi við kjarasamning ríkisins og viðkomandi stéttarfélags. Samgöngustofa áskilur sér rétt til að hafna öllum umsóknum.

Hjá Samgöngustofu hlakka um 140 öflugir starfsmenn til þess að þú bætist í hópinn. Lögð er áhersla á jákvæðan og skemmtilegan starfsanda, frumkvæði og þátttöku, auk þess sem mötuneytið er frægt fyrir frábæran mat. Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri. Frekari upplýsingar um Samgöngustofu er að finna á vef stofnunarinnar www.samgongustofa.is


Samgöngustofa
www.samgongustofa.is 
Ármúli 2 – 108 Reykjavík
Sími: 480-6000

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn