Skrifstofumaður - Óbyggðanefnd - Reykjavík - 201801/041

 

Skrifstofustarf

Óbyggðanefnd auglýsir laust til umsóknar starf skrifstofumanns á skrifstofu nefndarinnar. Um er að ræða 50% starf.

Óbyggðanefnd er úrskurðarnefnd á stjórnsýslustigi, skipuð af forsætisráðherra, og hefur það hlutverk að skera úr um eignarréttarlega stöðu lands á grundvelli þjóðlendulaga nr. 58/1998. Á vegum nefndarinnar fer fram viðamikil gagnaöflun vegna þeirra mála sem eru til meðferðar hverju sinni.

Starfið felst einkum í:
Umsjón með ýmsum þáttum er varða öflun gagna, skráningu þeirra, fjölföldun og vistun.
Umsjón með útgáfu kynningarefnis vegna krafna málsaðila og útgáfu ársskýrslna.
Umsjón með vefsíðu nefndarinnar.
Bókhaldsmerkingu og annarri afgreiðslu reikninga.
Undirbúningi, öflun aðfanga og frágangi vegna funda nefndarinnar, sem og vettvangsferða um ágreiningssvæði.
Samskiptum við ýmsa aðila sem tengjast störfum nefndarinnar.
Ýmsum öðrum verkefnum á sviði skrifstofuhalds.

Menntunar- og hæfniskröfur:
Stúdentspróf eða sambærileg menntun.
Sjálfstæð og skipuleg vinnubrögð. 
Mjög gott vald á rituðu máli.
Mjög góð samstarfs- og samskiptahæfni.
Æskilegt er að viðkomandi búi yfir reynslu eða sérhæfingu á sviði skrifstofuhalds.
Góð tölvukunnátta og reynsla af notkun rafrænnar málaskrár er æskileg.

Um launakjör fer eftir kjarasamningi SFR og ríkisins.

Umsóknir ásamt upplýsingum um menntun og starfsferil skulu sendar óbyggðanefnd, Skuggasundi 3, 101 Reykjavík, eða á netfangið: [email protected]. Umsóknarfrestur er til 29. janúar 2018. Æskilegt er að viðkomandi geti hafið störf sem fyrst. Umsóknir gilda í sex mánuði frá birtingu þessarar auglýsingar. Öllum umsóknum verður svarað þegar ákvörðun um ráðningu hefur verið tekin. 

Nánari upplýsingar um starfið veitir Þorsteinn Magnússon framkvæmdastjóri í síma 563 7000. 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn