Sumarstörf á hálendi - Vatnajökulsþjóðgarður - Hálendið - 201802/286


Landverðir - hálendi - sumarstörf

Vatnajökulsþjóðgarður auglýsir laus til umsóknar sumarstörf á hálendisstarfsstöðvum þjóðgarðsins:

Askja (Herðubreiðarlindir, Holuhraun, Ódáðahraun).
Krepputunga (Kverkfjöll, Hvannalindir), Snæfell. 
Lónsöræfi.
Lakagígar, Eldgjá & Langisjór, Hrauneyjar & Tungnaáröræfi og Nýidalur.

Helstu verkefni og ábyrgð
Landverðir á hálendi sinna fyrst og fremst miðlun upplýsinga til gesta þjóðgarðsins, leiða skipulagðar fræðsluferðir, hafa eftirlit með sínu starfssvæði, sinna skálavörslu (þar sem það á við) og ræstingum, liðsinna sjálfboðaliðum, vinna að smærri framkvæmdum og að öðrum tilfallandi verkefnum.

Hæfnikröfur
Samskiptahæfni, þjónustulund, stundvísi, umhverfisvitund og gott vald á íslensku og ensku eru mikilvægir eiginleikar í öllum störfum þjóðgarðsins. 

Æskilegt er að landverðir hafi lokið landvarðarnámskeiði, búi yfir færni í miðlun upplýsinga til gesta þjóðgarðsins, hafi verkþekkingu, ökuréttindi og gild réttindi í fyrstu hjálp. Fyrri störf á friðlýstum svæðum, starf við leiðsögn, haldbær reynsla af útivist og fjallamennsku, starf með björgunarsveitum sem og reynsla af akstri breyttra jeppa er kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og AFL Starfsgreinafélag hafa gert.
Í rafrænu umsókninni, undir liðnum Annað, þurfa að koma fram eftirfarandi upplýsingar:

1. Séróskir um starfsstöð, ef einhverjar.
2. Þau réttindi og þeir hæfileikar sem umsækjandi býr yfir og óskað er eftir hér að ofan í liðnum Hæfniskröfur.
3. Hversu lengi umsækjandi gefur kost á sér til starfsins (lokadagsetning).
4. Annað sem viðkomandi vill koma á framfæri.

Umsækjendur eru jafnframt hvattir til að hengja ferilskrá með mynd við rafrænu umsóknina.

Umsækjendur eru ennfremur hvattir til þess að sækja einnig um önnur sumarstörf innan Vatnajökulsþjóðgarðs í Skaftafelli (auglýsing 201802/282), á Breiðamerkursandi (auglýsing 201802/285), í Jökulsárgljúfrum (auglýsing 201802/282) eða við landvörslu á láglendi/störf í gestastofum (auglýsing 201802/284) hafi þeir hug á því.

Laun eru greidd samkvæmt kjarasamningi fjármálaráðherra og Starfsgreinasambands Íslands. Bæði konur og karlar eru hvött til að sækja um.

Ítarlegri upplýsingar um störfin má finna á heimasíðu Vatnajökulsþjóðgarðs; www.vjp.is.

Frekari upplýsingar um störfin: 
Jóhanna Katrín Þórhallsdóttir, sími 470 0849 ([email protected]) vegna Öskju og nágrennis.
Agnes Brá Birgisdóttir, sími 470 0840 ([email protected]) vegna Krepputungu (Kverkfjalla & Hvannalinda) og Snæfells.
Helga Árnadóttir, sími 470 8331 ([email protected]) vegna Lónsöræfa.
Fanney Ásgeirsdóttir, sími 470 0401 ([email protected]) vegna Lakagíga, Eldgjár & Langasjávar, Hrauneyja & Tungnaáröræfa og Nýjadals.

Starfshlutfall er 100%
Umsóknarfrestur er til og með 26.02.2018


VATN Landverðir Laki
Klausturvegi 2
880 Kirkjubæjarklaustur


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn