Sumarstörf á láglendi og í gestastofum - Vatnajökulsþjóðgarður - Landið - 201802/284


Skaftárstofa, Gamlabúð, Snæfellsstofa - Landverðir og þjónustufulltrúar - sumarstörf

Vatnajökulsþjóðgarður auglýsir sumarstörf í landvörslu á láglendi og í gestastofum þjóðgarðsins í Snæfellsstofu á Skriðuklaustri í Fljótsdal, í Gömlubúð á Höfn í Hornafirði og Skaftárstofu á Kirkjubæjarklaustri.

Helstu verkefni og ábyrgð
Landverðir í gestastofum þjóðgarðsins sinna fyrst og fremst miðlun upplýsinga og fræðslu til þeirra sem sækja gestastofurnar heim, hafa eftirlit á starfssvæðum í grennd við tiltekna gestastofu, leiða skipulagðar gönguferðir og barnastundir. Einnig sinna þeir almennri upplýsingagjöf til ferðafólks, almennum afgreiðslustörfum, ræstingum og öðrum tilfallandi verkefnum.

Störf þjónustufulltrúa í móttöku og minjagripaverslun felast í upplýsingagjöf, almennum afgreiðslustörfum og öðrum tilfallandi verkefnum.

Hæfnikröfur
Samskiptahæfni, þjónustulund, stundvísi, umhverfisvitund og gott vald á íslensku og ensku eru mikilvægir eiginleikar í öllum störfum þjóðgarðsins. 

Æskilegt er að landverðir hafi lokið landvarðarnámskeiði, hafi ökuréttindi, auk gildra skyndihjálparréttinda. Landverðir sem starfa í gestastofum þurfa að geta tileinkað sér þekkingu á þjóðgarðinum og nærsvæði hans, vera liprir í samskiptum og geta unnið undir álagi. Aukin tungumálakunnátta er kostur.

Þjónustufulltrúar í móttöku og verslun þarf að geta tileinkað sér þekkingu á þjóðgarðinum og nærsvæði hans og geta unnið undir álagi. Aukin tungumálakunnátta er kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og AFL Starfsgreinafélag hafa gert.
Í rafrænu umsókninni, undir liðnum Annað, þurfa að koma fram eftirfarandi upplýsingar:

1. Séróskir um starfsstöð (Snæfellsstofa, Gamlabúð, Skaftárstofa).
2. Þau réttindi og þeir hæfileikar sem umsækjandi býr yfir og óskað er eftir hér að ofan í liðnum Hæfniskröfur.
3. Hversu lengi umsækjandi gefur kost á sér til starfsins (lokadagsetning).
4. Annað sem viðkomandi vill koma á framfæri.

Umsækjendur eru jafnframt hvattir til að hengja ferilskrá með mynd við rafrænu umsóknina.

Umsækjendur eru ennfremur hvattir til þess að sækja einnig um önnur sumarstörf innan Vatnajökulsþjóðgarðs í Skaftafelli (auglýsing 201802/283), á Breiðamerkursandi (auglýsing 201802/28285), í Jökulsárgljúfrum (auglýsing 201802/282) eða við landvörslu á hálendi (auglýsing 201802/286) hafi þeir hug á því.

Laun eru greidd samkvæmt kjarasamningi fjármálaráðherra og Starfsgreinasambands Íslands. Bæði konur og karlar eru hvött til að sækja um. 

Ítarlegri upplýsingar um störfin má finna á heimasíðu Vatnajökulsþjóðgarðs; www.vjp.is.

Frekari upplýsingar um störfin: 
Ragna Fanney Jóhannsdóttir, sími 470 0842 ([email protected]) vegna Snæfellsstofu.
Steinunn Hödd Harðardóttir, sími 470 8332 ([email protected]) vegna Gömlubúðar.
Jóna Björk Jónsdóttir, sími 470 0402 ([email protected]) vegna Skaftárstofu.

Starfshlutfall er 100%
Umsóknarfrestur er til og með 26.02.2018


VATN Landverðir Skaftafell
Skaftafellsstofa Skaftafelli
785 Öræfi


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn