Verkefnastjóri sveigjanlegs náms - Háskólinn á Akureyri, Kennslumiðstöð - Akureyri - 201802/279


Verkefnastjóri sveigjanlegs náms við Kennslumiðstöð Háskólans á Akureyri

Háskólinn á Akureyri auglýsir laust til umsóknar starf verkefnastjóra sveigjanlegs náms við Kennslumiðstöð háskólans. 

Starf verkefnastjóra sveigjanlegs náms felur í sér að veita ráðgjöf til starfsmanna skólans við kennslu, gerð kennsluefnis og uppsetningu námskeiða sem byggir á margmiðlunarlausnum. Verkefnastjórinn skipuleggur fræðslunámskeið fyrir starfsmenn og nemendur í tengslum við sveigjanlegt nám, aðstoðar við kennslufræðilega umsjón með kennslukerfi skólans. Viðkomandi stuðlar að og tekur þátt í þróun sveigjanlegs náms við HA, með því að fylgjast með kennsluþróun og nýjungum á því sviði. Um er að ræða full starf og er æskilegt að viðkomandi geti hafið störf þann 1. apríl n.k. Starfsstöðin er á háskólasvæðinu á Sólborg á Akureyri.

Menntunar- og hæfniskröfur:
Gerð er krafa um háskólamenntun sem nýtist í starfi.
Gott vald á íslensku og ensku, jafnt töluðu sem rituðu máli.
Reynslu af margmiðlunarlausnum, t.d. upptökum og klippivinnu. 
Kennslureynsla sem nýtist í starfi kostur.
Geta tileinkað sér rannsóknartengda vinnu.
Þekking á starfsemi háskóla er æskileg.
Skipulögð og vönduð vinnubrögð, frjó hugsun, rík þjónustulund, jákvæðni og lipurð í mannlegum samskiptum.
Góð almenn tölvu- og tækniþekking.

Umsókn skal fylgja:
Ítarleg ferilskrá.
Staðfest afrit af prófskírteinum.
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.

Umsóknarfrestur er til 20. febrúar 2018. Umsóknir og fylgigögn skal senda rafrænt á skrifstofu rektors Háskólans á Akureyri á netfangið [email protected]. Ekki er notað staðlað umsóknareyðublað. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Háskólinn á Akureyri áskilur sér rétt til að hafna öllum umsóknum.

Um launakjör fer samkvæmt kjarasamningi Félags háskólakennara á Akureyri og fjármálaráðherra.

Nánari upplýsingar veitir Auðbjörg Björnsdóttir forstöðumaður Kennslumiðstöðvar Háskólans á Akureyri. Sími 460-8030, netfang  [email protected].

Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn