Skrifstofumaður - Menntaskólinn við Hamrahlíð - Reykjavík - 201802/291

 

Starfskraftur á skrifstofu

Menntaskólinn við Hamrahlíð óskar að ráða starfskraft á skrifstofu skólans í 50% starf frá og með mars 2018. Starfið lýtur að almennri afgreiðslu og þjónustustörfum á skrifstofu skólans. Með því er átt við símsvörun, afgreiðslu almennra erinda frá nemendum, starfsfólki MH og almenningi, ljósritun, skjalavinnslu í Word og Excel ásamt vinnu við námsferla nemenda. Viðkomandi þarf að vera tölvuvanur, hafa gott vald á íslensku og ensku, geta unnið undir álagi og eiga auðvelt með samskipti við fólk á öllum aldri. Æskilegur vinnutími er fyrir hádegi fimm daga vikunnar.  

Laun miðaðst við kjarasamning fjármálaráðherra og SFR.

Umsóknarfrestur er til 26. febrúar  n.k.

Ekki þarf að sækja um á sérstökum umsóknareyðublöðum en í umsókn þarf að greina frá menntun (og staðfesta með ljósriti af prófskírteinum), fyrri störfum og öðru því sem umsækjandi telur að máli skipti. Tekið skal fram að skv. 4. mgr. 8. gr. laga um framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. Umsóknir skal senda til Steins Jóhannssonar ([email protected]) sem einnig veitir nánari upplýsingar (sími 595 5200). Öllum umsóknum verður svarað þegar ákvörðun um ráðningu hefur verið tekin en tekið skal fram að umsókn  getur gilt í sex mánuði. Á heimasíðunni http://www.mh.is er að finna ýmsar upplýsingar um skólann og starfsemi hans. 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn