Hjúkrunarfræðingur - Landspítali, öryggis- og réttargeðþjónustan Kleppi - Reykjavík - 201801/253

 

Hefur þú áhuga á geðhjúkrun og meðferðarstarfi?
 
Spennandi starf hjúkrunarfræðings sem einkennist af vinnugleði, metnaði, skipulagi og sveigjanleika er laust til umsóknar á öryggis- og réttargeðþjónustu Landspítala Kleppi. Á deildinni starfar þverfaglegt teymi sem sinnir sérhæfðri meðferð fyrir fólk með alvarlega geðsjúkdóma með takmarkaða meðferðarheldni og sjúkdómsinnsæi. 
Meðferðarnálgun er fjölþætt og ræðst af þörfum og getu hvers skjólstæðings til endurhæfingar aftur út í samfélagið. Í starfsemi öryggis- og réttargeðþjónustu er sjúklingurinn í öndvegi, áhersla er lögð á öryggi, skilvirkni, gæði þjónustu og stöðugar umbætur. 

Við viljum ráða hjúkrunarfræðing með framúrskarandi samskiptahæfni sem hefur áhuga á meðferðastarfi og batamiðaðri þjónustu, vill efla sig í teymisvinnu og starfa samkvæmt gagnreyndri þekkingu og viðurkenndum verklagsferlum. Hér er tækifæri til að vaxa í starfi og dýpka þekkingu á geðsjúkdómum, fíknivanda og stuðningi við fjölskyldur. Vaktabyrðin er hófleg og unnið er markvisst að fjölskylduvænu starfsumhverfi í samvinnu við umsækjanda.

Helstu verkefni og ábyrgð
» Veita einstaklingshæfða geðhjúkrun
» Sinna uppvinnslu, mati og meðferð m.t.t. geðræns vanda einstaklinga
» Virk þátttaka í þverfaglegri teymisvinnu
» Þátttaka í umbótastarfi og þróun þjónustunnar

Hæfnikröfur
» Framhaldsnám í geðhjúkrun eða skyldum greinum er kostur
» Hæfni til að vinna sjálfstætt og í samvinnu við aðra meðferðaraðila
» Reynsla af þverfaglegu samstarfi og teymisvinnu æskileg
» Sveigjanleiki og lipurð í mannlegum samskiptum
» Góð almenn tölvukunnátta og færni í mæltu og rituðu máli
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Starfið er laust 1. apríl 2018 eða eftir samkomulagi. Unnið er í vaktavinnu og er starfshlutfall samkomulag.
Umsókn fylgi náms- og starfsferilskrá ásamt afriti af prófskírteinum og starfsleyfi. 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 12.03.2018

Nánari upplýsingar veitir
Guðmundur Sævar Sævarsson - [email protected] - 825 3832
Sigríður Edda Hafberg - [email protected] - 543 4453

LSH Öryggisgeðdeild
v/Kleppsgarð 3
104 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn