Yfirlæknir - Landspítali, kvennasvið svæfinga- og gjörgæslulækninga - Reykjavík - 201801/243

 

Yfirlæknir á kvennasviði svæfinga- og gjörgæslulækninga Landspítala
 
Starf yfirlæknis á kvennasviði svæfinga- og gjörgæslulækninga Landspítala við Hringbraut er laust til umsóknar. Leitað er eftir sérfræðilækni með víðtæka reynslu og hæfni til að vera í forystu fyrir þjónustu við sjúklinga, umbótastarf, öryggismál og uppbyggingu mannauðs í nánu samstarfi við framkvæmdastjóra, hjúkrunardeildarstjóra, aðra yfirlækna sviðsins og annað starfsfólk. 

Yfirlæknirinn tekur þátt í störfum stjórnendateymis aðgerðarsviðs, en næsti yfirmaður er framkvæmdastjóri aðgerðasviðs.
Starfshlutfall er 100% og veitist starfið frá 1. apríl 2018 eða eftir samkomulagi. Ráðið er í starfið til 5 ára, sbr. 9.gr. laga nr. 40/2007 og stefnu Landspítala í ráðningum stjórnenda. Gerð er krafa um helgun í starfi yfirlæknis. 

Helstu verkefni og ábyrgð
» Fagleg ábyrgð á svæfingum og deyfingum skjólstæðinga kvennadeildar Landspítala
» Þátttaka í áframhaldandi uppbyggingu, skipulagi og þróun svæfinga- og gjörgæslulækninga á Landspítala
» Vinna að frekari uppbyggingu á kennslu nemenda í heilbrigðisvísindagreinum og vísindastarfi á einingunni

Hæfnikröfur
» Íslensk sérfræðiviðurkenning í svæfinga- og gjörgæslulækningum
» Víðtæk reynsla af svæfingum, deyfingum og gjörgæslumeðferð við fæðingar og kvensjúkdóma. Viðbótarnám í svæfinga- og gjörgæslulækningum kvenna (Obstetric Anaesthesia) er æskilegt en ekki skilyrði
» Reynsla af kennslu og vísindastörfum 
» Leiðtogahæfileikar og stjórnunarreynsla er æskileg
» Jákvætt viðmót og góð hæfni í mannlegum samskiptum
» Hæfni og geta til að vinna í teymi 
» Frumkvæði og metnaður til að ná árangri 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf (100%) er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn skulu fylgja upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað.
Umsókn fylgi einnig kynningarbréf (2-4 blaðsíður) með framtíðarsýn umsækjenda varðandi starfið og sérgreinina auk rökstuðnings fyrir hæfni. 
Umsóknargögn sem ekki er hægt að senda rafrænt skulu berast í tvíriti Ölmu D. Möller, framkvæmdastjóra aðgerðasviðs, LSH Skrifstofa aðgerðasviðs: Fv-10C.

Allar umsóknir eru sendar til mats hjá stöðunefnd lækna hjá Embætti landlæknis. Viðtöl verða höfð við umsækjendur og byggist ákvörðun um ráðningu í starfið einnig á þeim. 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Mikilvægar leiðbeiningar til umsækjenda
www.landspitali.is/leidbeiningar/yfirlæknir

ATH. Fylla þarf út lágmarksupplýsingar á almenna umsókn og setja viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan. 

Umsókn um læknisstöðu - umsóknareyðublað Embættis Landlæknis

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Alma Dagbjört Möller - [email protected] - 824 5824
Þórgunnur Hjaltadóttir - [email protected] - 825 5136

LSH Skrifstofa aðgerðasviðs
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn