Læknanemar, sumarafleysing - Landspítali, lyflækningadeildir - Reykjavík - 201802/305

 

Sumarstörf 2018 - Læknanemar á lyflækningadeildum
 
Laus eru til umsóknar afleysingastörf læknanema á lyflækningadeildum Landspítala sumarið 2018. Um er að ræða störf innan hinna ýmsu sérgreina lyflækninga, þ.m.t. á legudeildum, bráðamóttöku við Hringbraut, á göngudeild geislalækninga, auk hinna ýmsu deilda öldrunarlækninga og endurhæfingardeildar á Grensási.

Tímabil starfanna er 4-13 vikur frá 1. júní til og með 31. ágúst en þó eigi lengur en til 19. ágúst hjá læknanemum við læknadeild Háskóla Íslands. 

Störfin henta læknanemum sem komnir eru langt í náminu og hafa lokið a.m.k. tveimur þriðju hlutum náms síns til kandídatsprófs. Læknanemar starfa alltaf með kandídat, deildarlækni eða sérfræðilækni. 
Boðið verður uppá vikulega kennslu þar sem farið er yfir námsefni IM Essential.

Helstu verkefni og ábyrgð
» Vinna með kandídötum, deildarlæknum og sérfræðilæknum
» Þátttaka í vaktavinnu með kandídötum og/eða deildarlæknum

Hæfnikröfur
» Læknanemar skulu hafa lokið a.m.k. tveimur þriðju hlutum af námi sínu til kandídatsprófs
» Jákvætt viðmót og hæfni í mannlegum samskiptum 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Nauðsynlegt er að ferilskrá fylgi umsókn í viðhengi, ásamt staðfestu yfirliti á námsferli.
Í ferilskrá skal taka fram menntun, reynslu, fyrri störf, sérstök áhugasvið innan læknisfræðinnar og geta tveggja meðmælenda ásamt símanúmeri þeirra og netfangi.

Ákvörðun um ráðningu í störfin byggist á innsendum gögnum. Umsóknum verður svarað fyrir miðjan mars.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Friðbjörn R Sigurðsson - [email protected] - 543 1000

LSH Námslæknar lyflækninga
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn