Lögreglumenn - Lögreglustjórinn á Vesturlandi - Borgarnes - 201802/303

 

Lögreglumenn – Lögreglustjórinn á Vesturlandi – Borgarnes

Lögreglustjórinn á Vesturlandi auglýsir lausar til umsóknar tvær stöður lögreglumanna með starfsstöð í Borgarnesi.   Unnið er á 12 tíma vöktum.

Hlutverki lögreglu er lýst í 1. gr. lögreglulaga nr. 90/1996 og verksviði og ábyrgð lögreglumanns í 11. gr. reglugerðar um starfsstig innan lögreglunnar nr. 1051/2006.

Miðað er við að lögreglustjóri setji í stöðurnar til reynslu í 12 mánuði frá 1. apríl 2018 með skipun í huga að reynslutíma loknum.  Umsóknarfrestur er til og með 5. mars 2018 og skal umsóknum skilað  rafrænt á netfangið [email protected].   

Umsækjandi  skal skila umsókn á stöðluðu eyðublaði fyrir lögreglumenn sem lokið hafa lögregluskóla og nálgast má á lögregluvefnum www.logreglan.is   

Ráðningarkjör eru skv. kjarasamningi fjármálaráðherra f.h. ríkissjóðs og Landssambands lögreglumanna.  Starfshlutfall er 100%.

Þeir einir geta sótt um stöðurnar sem lokið hafa prófi frá Lögregluskóla ríkisins.    

Umsóknir sem berast eftir að umsóknarfresti lýkur verða ekki teknar til greina.  Öllum umsóknum  verður svarað þegar tekin hefur verið afstaða til umsókna en lögreglustjórinn á Vesturlandi áskilur sér rétt til að hafna öllum umsóknum.  Nánari upplýsingar veitir Jón S. Ólason yfirlögregluþjónn í síma 444-0300.   

Lögreglustjórinn á Vesturlandi hvetur konur jafnt sem karla til að sækja um auglýstar stöður.


Borgarnesi, 6. febrúar 2018.
Lögreglustjórinn á Vesturlandi

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn