Námsstöður deildarlækna - Landspítali, skurðlækningar - Reykjavík - 201802/310

 

Námsstöður deildarlækna í skurðlækningum við Landspítala
 
Lausar eru til umsóknar námsstöður í skurðlækningum við Landspítala.

» Stöðurnar eru veittar til tveggja ára frá 1. september 2018 eða eftir samkomulagi. 
» Um er að ræða tveggja ára kjarnanám í skurðlækningum sem er nauðsynlegt fyrir frekari sérhæfingu í skurðlækningum en nýtist einnig sem góður grunnur í öðru sérnámi.
» Námið byggir á bresku marklýsingunni Core Surgical Training (CST) og er íslenska marklýsingin í samþykktarferli hjá mats og hæfisnefnd skv. reglugerð (nr. 467/2015). 
» Námið verður skipulagt og framkvæmt í nánu samstarfi við bresku skurðlæknafélögin.
» Sérnámshandleiðari leiðbeinir námslækni á námstímabilinu.
» Klínískir handleiðarar leiðbeina námslækni í klínískri vinnu á hverri sérgreinareiningu.
» Skráning á námsframvindu fer fram rafrænt (ePortfolio).
» Skipuleg fræðsla, hermikennsla og námskeið verða í boði.
» Námsráðstefnur skv. kjarasamningi.

Helstu verkefni og ábyrgð
» Vinna og nám á bráða-, dag-, göngu- og legudeildum skurðlækninga ásamt vaktþjónustu
» Kennsla kandídata, læknanema og annarra fagstétta heilbrigðisstarfsmanna
» Þátttaka í kennslu , gæðaverkefnum og vísindavinnu
» Standast þarf árlegt stöðumat

Hæfnikröfur
» Hafa lokið kandídatsári eða sambærilegu starfsnámi
» Hafa lækningaleyfi á Íslandi eða uppfylla skilyrði til þess
» Hafa gott vald á íslensku máli
» Jákvæðni, sveigjanleiki og lipurð í samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi staðfestar upplýsingar um námsferil og fyrri störf. Umsækjendum sem uppfylla skilyrði verður boðið í viðtal og byggir ráðning m.a. á frammistöðu í viðtali og innsendum gögnum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Guðjón Birgisson - [email protected] - 543 7450/ 865 6996

LSH Aðstoðar- og deildarlæknar SKU
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn