Sérfræðingur í rannsóknum - Hagstofa Íslands - Reykjavík - 201802/325

 
 


Sérfræðingur í rannsóknum

Hagstofa Íslands leitar að sérfræðingi til að leiða starfsemi rannsóknaþjónustu sinnar. Rannsóknaþjónusta Hagstofu Íslands sér um að þjónusta vísindasamfélagið og styður við hagnýtingu á gögnum Hagstofunnar til vísinda.

Starfið felst í að veita umsækjendum stuðning við gerð umsókna um rannsóknaaðgang að gögnum í vísindalegu tilgangi , leiðbeina þeim varðandi gagnaþarfir og hafa umsjón með Iðunni, rannsóknaumhverfi Hagstofunnar. Þá fylgi starfinu að kynna rannsóknaþjónustu Hagstofunnar fyrir notendum og hafa umsjón með rannsóknasamstarfi Hagstofunnar á innlendum og alþjóðlegum vettvangi. 

HÆFNISKRÖFUR
Mastersgráða með aðferðafræðilegu inntaki.  Doktorsgráða er kostur.
Mjög mikilvægt er að hafa reynslu og þekkingu á akademískum rannsóknum
Góð þjónustulund
Mikil samskiptafærni
Mikil skipulagsfærni
Góð kunnátta á tölfræðiforritum (s.s. R og SPSS) er kostur
Reynsla af gagnagrunnsvinnslu (t.d. SQL) er kostur
Þekking á gæðastarfi er kostur
Sjálfstæði í starfi, drifkraftur og áreiðanleiki
Mjög góð enskukunnátta og ritfærni á fræðilegum texta

Um er að ræða fullt starf og æskilegt er að viðkomandi geti hafið störf sem fyrst. Laun eru samkvæmt kjarasamningi fjármálaráðuneytisins og hlutaðeigandi stéttarfélags. 

Umsóknarfrestur er til og með 26. febrúar 2018 og skulu umsóknir berast í pósti á: Starfsumsókn,  Borgartúni 21a, 150 Reykjavík eða rafrænt á netfangið [email protected].

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknarfrestur rennur út.

Nánari upplýsingar um starfið veitir Helga Hauksdóttir í síma 5281000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Nánari upplýsingar má finna á www.hagstofa.is.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn