Verkefnastjóri gæða- og mannauðsmála - Fjölbrautaskóli Vesturlands - Akranes - 201802/320


 

Verkefnastjóri gæða- og mannauðsmála

Við Fjölbrautaskóla Vesturlands Akranesi er laust til umsóknar starf verkefnastjóra gæða- og mannauðsmála. Leitað er að kraftmiklum einstaklingi til að annast ábyrgðarmikið og fjölbreytt starf sem tengist metnaðarfullri starfsemi og fjölbreyttri skólastefnu. 

Um er að ræða 50% til 100% starfshlutfall. 

Starfssvið:
Þróun mannauðsstefnu, innleiðing og eftirfylgd. 
Umsjón með starfsþróunarmálum og fræðslu.
Uppbygging og þróun gæðakerfis.
Fylgja eftir gæðastefnum, niðurstöðum úttekta og rýni stjórnenda til að tryggja stöðugt umbótastarf.
Starfslýsingar, stofnana- og starfssamningar.
Starfsmat, kjara- og starfsmannamál.
Jafnlaunavottun.
Stuðla að traustum og jákvæðum skólabrag.
Umsjón með kynningarmálum skólans auk virkrar þátttöku í stefnumótunarstarfi.

Menntunar- og hæfnikröfur:
Menntun á sviði gæða- og/eða mannauðsstjórnunar.
Reynsla af gæða- og/eða mannauðsstjórnun hjá hinu opinbera er æskileg.
Samskipta- og leiðtogahæfni.
Góð íslensku- og enskukunnátta er skilyrði, kunnátta í fleiri tungumálum er kostur.
Framtakssemi, löngun til að takast á við síbreytileg verkefni, nákvæm og sjálfstæð vinnubrögð, frumkvæði í starfi og vera fylgin(n) sér.
Það er kostur að viðkomandi hafi reynslu af kennslu og öðru skólastarfi, en ekki skilyrði.
Góð tölvukunnátta er nauðsynleg.

Áætlað er að viðkomandi hefji störf 1. apríl 2018 eða eftir nánara samkomulagi. 
Laun eru samkvæmt kjarasamningi fjármálaráðherra og viðkomandi stéttarfélags.

Umsóknarfrestur er til 26. febrúar nk. og skulu umsóknir hafa borist skólanum fyrir þann tíma. Öllum umsóknum verður svarað þegar ákvörðun um ráðningu hefur verið tekin.

Umsóknum skal skilað rafrænt á netfangið [email protected] ásamt ferilskrá, prófskírteinum og meðmælum. Ekki er um sérstök umsóknareyðublöð að ræða.

Upplýsingar um starfið og starfsaðstæður veitir Ágústa Elín Ingþórsdóttir skólameistari í síma 433 2504 eða í tölvupósti [email protected].

Á heimasíðu skólans, www.fva.is, er að finna ýmsar upplýsingar um skólann og starfsemi hans.

 


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn