Hjúkrunarfræðingur, heimahjúkrun - Heilsugæsla höfuðborgarsvæðisins - Reykjavík - 201802/336

 

Hjúkrunarfræðingur í heimahjúkrun hjá Heilsugæslu höfuðborgarsvæðisins
 
Heilsugæsla höfuðborgarsvæðisins leitar eftir hjúkrunarfræðingi í heimahjúkrun í 80-100% sumarafleysingastarf. Um er að ræða vaktavinnu starf morgun, kvöld og helgar. Viðkomandi þarf að geta hafið störf frá og með 15 maí, eða eftir nánara samkomulagi.

Helstu verkefni og ábyrgð
Hjúkrunarfræðingur vinnur náið með teymisstjóra.

Starfssvið hjúkrunarfræðings í heimahjúkrun er að veita víðtæka hjúkrun í heimahúsum vegna langvinnra sjúkdóma, andlegrar og líkamlegrar skerðingar. 

Hjúkrunarfræðingur styður við einstaklinga og aðstandendur þeirra sem og samstarfsfólk. Hann skipuleggur og veitir þá hjúkrun sem þörf er á hverju sinni. Hann er í samskiptum og samvinnu við aðrar sjúkrastofnanir og heilbrigðisstéttir með hagsmuni skjólstæðings að leiðarljósi.

Hæfnikröfur
Íslenskt hjúkrunarleyfi er skilyrði. Nauðsynlegt er að umsækjendur búi yfir fjölbreyttri reynslu í hjúkrun og hafi góða samskipta- og skipulagshæfni.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga. 

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði. 

Starfshlutfall er 80 - 100%
Umsóknarfrestur er til og með 12.03.2018

Nánari upplýsingar veitir
Sigrún Kristín Barkardóttir - [email protected] - 514 5900
Hildur Sigurjónsdóttir - [email protected] - 514 5900

HH Heimahjúkrun á Suðursvæði, hjúkrun
Hlíðasmára 17
201 Kópavogur


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn