Lögreglumenn - Lögreglustjórinn á Suðurnesjum - Keflavík - 201802/335

 

Lögreglumenn - Lögreglustjórinn á Suðurnesjum
 
Við embætti lögreglustjórans á Suðurnesjum eru lausar til umsóknar stöður lögreglumanna með starfsstöð í Flugstöð Leifs Eiríkssonar. Skipað, sett eða ráðið verður í stöðurnar frá 1. mars 2018.

Lögreglustjóraembættið á Suðurnesjum er annað stærsta lögregluembætti landsins. Flugstöðvardeild er ein deild innan þess og sinnir löggæslu á langstærsta alþjóðaflugvelli Íslands. Í flugstöðvardeild eru lögreglumenn að fást við margs konar krefjandi verkefni. Það reynir á margs konar hæfni og menn öðlast reynslu sem erfitt er að fá annars staðar innan lögreglunnar. Má þar m.a. nefna samskipti við farþega, áhafnir, flugfélög, annað starfsfólk og erlend lögreglulið. Einnig reynslu varðandi landamæragæslu, umsóknir um alþjóðlega vernd, smygl á fólki, mansal, viðbragðsáætlanir vegna flugverndar, flugslysa o.fl. Flugstöðin er einn stærsti vinnustaður landsins og er óhætt að kalla hann líflegan.

Helstu verkefni og ábyrgð
Hlutverk lögreglu er að gæta almannaöryggis og tryggja réttaröryggi; stemma stigu við afbrotum og vinna að uppljóstran brota; greiða götu borgaranna og veita yfirvöldum aðstoð við framkvæmd starfa sinna og að halda uppi almannafriði og allsherjarreglu.

Hæfnikröfur
Umsækjendur þurfa að vera íslenskir ríkisborgarar, 20 ára eða eldri; hafa ekki gerst brotlegir við refsilög, þetta gildir þó ekki ef brot er smávægilegt eða langt er um liðið frá því að það var framið, né hafa sýnt af sér háttsemi sem getur rýrt það traust sem lögreglumenn verða almennt að njóta. Það er háð mati lögreglustjóra hvort undanþága verði veitt vegna þessa; vera andlega og líkamlega heilbrigðir og standast læknisskoðun trúnaðarlæknis samkvæmt fyrirliggjandi kröfum sem mennta- og starfsþróunarsetur lögreglu setur reglur um; standast bakgrunnskoðun flugverndar með jákvæðri umsögn.

Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnám á vegum lögreglunnar. Góð þekking á lögreglukerfinu (LÖKE) er æskileg og góð íslensku- og enskukunnátta skilyrði. Önnur tungumálakunnátta er kostur. Góðir hæfileikar til mannlegra samskipta, skipulagshæfileikar, frumkvæði og nákvæmni í vinnubrögðum eru mikilvægir eiginleikar. 

Lögreglustjóri mun nýta sér heimild lögreglulaga um að ráða starfsmenn sem hafa ekki lokið prófi frá lögregluskóla ríkisins að því gefnu að ekki fáist tiltækur fjöldi lögreglumanna í laus störf. Umsækjendur þurfa þá að uppfylla skilyrði í a-, b-, c-, d- og e-lið 1. mgr. 38. gr. lögreglulaga nr. 90/1996, m.a. að hafa hafa lokið stúdentsprófi eða annarri sambærilegri menntun.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Umsækjendur eru vinsamlegast beðnir að sækja um starfið með því að smella á hlekkinn hér að neðan og láta ferilskrá fylgja með sem viðhengi. 
Athygli umsækjenda er vakin á heimild til að skoða sakaferil umsækjenda um starf í lögreglu en í 28. gr. a. Lögreglulaga nr. 90/1996 segir: "Engan má skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu".

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir
 
Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Sigurgeir Ómar Sigmundsson - [email protected] - 4442200

LTSN Lögr. Flugstöðvardeild
Flugstöð Leifs Eiríkssonar
235 Keflavíkurflugvöllur


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn