Hjúkrunarfræðingur - Landspítali, göngudeild geðsviðs Kleppi - Reykjavík - 201802/315

 

Hjúkrunarfræðingur á göngudeild geðsviðs á Kleppi
 
Laust er til umsóknar fullt dagvinnustarf hjúkrunarfræðings á göngudeild geðsviðs Kleppi í tvígreiningarteymi og geðrofsteymi. Starfið er laust frá 1. mars 2018. 
Á deildinni starfa þverfagleg teymi sem sinna sérhæfðri meðferð fyrir fólk með geðrofssjúkdóma eða aðrar alvarlegar geðraskanir. Meðferðarnálgun er fjölþætt og ræðst af þörfum og getu hvers einstaklings. 

Starfsemi göngudeildar geðsviðs er í spennandi uppbyggingar- og þróunarferli þar sem markmiðið er að auka öryggi, efla skilvirkni, auka gæði þjónustu og stöðugar umbætur. Á deildinni eru spennandi tækifæri til framþróunar í starfi og sérhæfingar innan geðhjúkrunar. 

Helstu verkefni og ábyrgð
» Veita einstaklingshæfða geðmeðferð og eftirfylgd 
» Málastjórn sem í felst að sinna uppvinnslu, mati og meðferð m.t.t. geðræns vanda einstaklinga
» Virk þátttaka í þverfaglegri teymisvinnu tvígreiningarteymis og geðrofsteymis 
» Samvinna við önnur úrræði, stofnanir og fagaðila sem sinna skjólstæðingum utan göngudeildar LSH 
» Þátttaka í umbótastarfi og þróun þjónustunnar

Hæfnikröfur
» Framhaldsnám í geðhjúkrun eða skyldum greinum er kostur
» Þekking á skaðaminnkun er kostur
» Hæfni til að vinna sjálfstætt og í samvinnu við aðra meðferðaraðila
» Reynsla af þverfaglegu samstarfi og teymisvinnu æskileg 
» Sveigjanleiki og lipurð í mannlegum samskiptum
» Góð almenn tölvukunnátta og færni í mæltu og rituðu máli
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölmennur vinnustaður með um 5.100 starfsmenn. Hann er aðalsjúkrahús landsins og miðstöð menntunar og rannsókna í heilbrigðisvísindum. Á Landspítala er lögð áhersla á öryggi, jafnrétti, ábyrgan rekstur, góðan starfsanda og bættan húsakost.

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Helga Sif Friðjónsdóttir - [email protected] - 543 4219
Birna Óskarsdóttir - [email protected] - 543 4288 / 825 5042

LSH Göngudeild Kl
v/Kleppsgarð 5
104 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn