Námsstöður deildarlækna - Landspítali, Sjúkrahúsið á Akureyri - Reykjavík/Akureyri - 201802/309

 

Námsstöður deildarlækna í samþættu kjarnanámi í bráðagreinum lækninga á Landspítala og Sjúkrahúsinu á Akureyri
 
Námsstöður deildarlækna í samþættu kjarnanámi í bráðagreinum lækninga (bráðalækningum, lyflækningum, eða svæfinga- og gjörgæslulækningum) við Landspítala og á Sjúkrahúsinu á Akureyri.

Lausar eru til umsóknar námsstöður deildarlækna í samþættu kjarnanámi í bráðagreinum lækninga (SKBL). 
Námið fer fram á Landspítala, en getur einnig farið fram að hluta á Sjúkrahúsinu á Akureyri. 

» Stöðurnar eru veittar til allt að þriggja ára frá 1. september 2018 eða eftir samkomulagi. 
» Um fullt starf og nám er að ræða. 
» Námið er samkvæmt marklýsingu sem byggir á sambærilegu námi í Bretlandi, sem kallast Acute Care Common Stem (Sjá vefslóð hér neðar.)
» Námið hentar sérstaklega námslæknum sem hyggja á frekara sérnám í bráðalækningum, lyflækningum eða svæfinga- og gjörgæslulækningum. 

Val er um þrjár mismunandi námsleiðir, sem ákveðnar eru í byrjun sérnáms:
A. Bráðalækningar
B. Lyflækningar
C. Svæfinga- og gjörgæslulækningar

Fyrstu tvö námsárin skiptast í vistir innan bráðalækninga, bráðalyflækninga og í svæfinga- og gjörgæslulækninga. Þriðja árið er alfarið innan þeirrar sérgreinar sem valin var.

Nám í lyflækningum hefur þegar fengið vottun Royal College of Physicians í Bretlandi og mats- og hæfisnefnd hefur formlega samþykkt marklýsingu lyflækninga, en einnig verðu sóst verður eftir vottun frá Royal College of Emergency Medicine og Royal College of Anaesthetists í Bretlandi. Marklýsing fyrir SKBL verður send til mats- og hæfisnefndar á næstu vikum.

SJÚKRAHÚSIN BJÓÐA
» Fyrri hluta sérfræðináms í bráðalækningum, lyflækningum eða svæfinga- og gjörgæslulækningum í allt að þrjú ár.
» Handleiðara, sem hafa fengið sérstaka þjálfun. Sérnámshandleiðari fylgir námslækni eftir öll þrjú árin, en auk þess styður klínískur handleiðari við námslækninn á hverri þriggja til sex mánaða vist. 
» Kennslustjóra sem taka að sér tiltekin verkefni sem snúa að náminu auk á annað hundrað sérfræðilækna með breiða þekkingu í bráðalækningum, lyflækningum eða svæfinga- og gjörgæslulækningum.
» Rafrænt skráningarkerfi (ePortfolio) sem heldur utan um framgang námslæknis.
» Skipuleg fræðsla, hermikennsla og undirbúningur fyrir MCEM, B&C, MRCP eða FRCA Primary prófin.
» Gæðaverkefni og rannsóknarverkefni undir handleiðslu leiðbeinanda.
» Nám samhliða starfi.
» Námsráðstefnur skv. kjarasamningi.
» Að námslæknar sæki um að stunda meistaranám eða doktorsnám við Læknadeild Háskóla Íslands

Helstu verkefni og ábyrgð
» Vinna og nám á bráða-, svæfinga-, gjörgæslu, legu-, dag- og göngudeildum ásamt vaktþjónustu
» Vinna við ráðgjöf lyflækninga á deildum Landspítala, undir umsjón sérfræðilækna
» Kennsla kandídata, læknanema og annarra fagstétta heilbrigðisstarfsmanna
» Þátttaka í gæðaverkefnum og vísindavinnu
» Framhaldsnám í bráðalækningum, almennum lyflækningum eða svæfinga- og gjörgæslulækningum
» Standast þarf árlegt stöðumat til að námslæknir geti færst yfir á næsta námsár

Hæfnikröfur
» Hafa lokið kandídatsári og hafa lækningaleyfi á Íslandi eða uppfylla skilyrði til þess
» Áhugi á að starfa við bráðalækningar, lyflækningar eða svæfinga- og gjörgæslulækningar
» Jákvæðni, sveigjanleiki og lipurð í samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi staðfestar upplýsingar um námsferil og fyrri störf. Umsækjendum sem uppfylla skilyrði verður boðið í viðtal og byggir ráðning m.a. á frammistöðu í viðtali og innsendum gögnum.

Gísli H. Sigurðsson, prófessor og yfirlæknir svæfinga- og gjörgæslulækninga er kennslustjóri þessa nýja samþætta kjarnanáms í bráðagreinum lækninga en með honum starfa framhaldsmenntunarstjórar hinna þriggja sérgreina sem í sameiningu standa að sérnáminu. 

Nánari upplýsingar veita:
Friðbjörn Sigurðsson framhaldsmenntunarstjóri lyflækninga - [email protected] - sími 543 6550
Hjalti Már Björnsson, framhaldsmenntunarstjóri bráðalækninga - [email protected] - sími 543 2279
Kári Hreinsson, framhaldsmenntunarstjóri svæfinga- og gjörgæslulækninga - [email protected] - sími 543 7451

Acute Care Common Stem

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Gísli Heimir Sigurðsson - [email protected] - 543 7350

LSH Námslæknar lyflækninga
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn