Sálfræðingur - Landspítali, geðsvið - Reykjavík - 201802/314

 

Sálfræðingur - Sálfræðiþjónusta á geðsviði 

Sálfræðiþjónusta Landspítala vill ráða til starfa 5 metnaðarfulla og sjálfstæða sálfræðinga með góða samskiptafærni til að taka þátt í nýju verkefni á geðsviði. Markmið verkefnisins er að efla meðferð við alvarlegum og algengum geðvanda. Störfin fela fyrst og fremst í sér vinnu við kortlagningu, mismunagreiningu og meðferð á kvíðaröskunum og þunglyndi. 

Leitað er eftir sálfræðingi sem hefur áhuga á fjölbreyttu starfi í krefjandi þverfaglegu umhverfi. Starfið bíður upp á margvíslega möguleika í starfsþróun og þjálfun í mismunagreiningu og sérhæfðri hugrænni atferlismeðferð.

Hjá Sálfræðiþjónustu Landspítala starfa 65 sálfræðingar í ólíkum þverfaglegum teymum og deildum. Sálfræðiþjónustan er í stöðugri framþróun og því unnið að fjölbreyttum umbótaverkefnum. Margvísleg tækifæri eru til rannsókna. 

Helstu verkefni og ábyrgð
» Greining geðraskana og taugaþroskaraskana (þ.m.t. kvíðaraskanir og þunglyndi)
» Einstaklings- og hópmeðferðarvinna, þá sérstaklega hugræn atferlismeðferð
» Þátttaka í þverfaglegri teymisvinnu

Hæfnikröfur
» Áhugi og framúrskarandi samskiptahæfni
» Áhugi á greiningu kvíðaraskana, þunglyndi og öðrum geðröskunum nauðsynlegur og reynsla við greiningu mikill kostur
» Þekking og reynsla af sálfræðilegri greiningu og sálmeinafræði 
» Hæfni til að vinna sjálfstætt og sýna frumkvæði 
» Reynsla af þátttöku í þverfaglegri teymisvinnu heilbrigðisstétta æskileg
» Íslenskt starfsleyfi sálfræðings

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Æskilegt að umsækjendur geti hafið störf sem fyrst. Umsókn fylgi náms- og starfsferilskrá ásamt afriti af prófskírteinum og starfsleyfi. 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 26.02.2018

Nánari upplýsingar veitir
Berglind Guðmundsdóttir - [email protected] - 543 9292

LSH Sálfræðiþjónusta H
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn