Sjúkraliðar - Landspítali, bráðalyflækningadeild - Reykjavík - 201802/348

 

Sjúkraliðar á bráðalyflækningadeild
 
Við óskum eftir sjúkraliða á nýja og endurhannaða bráðalyflækningadeild sem tók til starfa á Landspítala 1. júní sl. Deildin vinnur samkvæmt erlendri fyrirmynd um Medical Assessment Unit og er henni ætlað að veita skjóta og vandaða þjónustu við þverfaglega greiningu og meðferð bráðra og langvinnra lyflæknisfræðilegra vandamála. Deildin hefur nú þegar skilað góðum árangri með stuttum legutíma og raunhæfum úrlausnum og er það að þakka öflugri teymisvinnu og breyttu verklagi á öllum sviðum. 

Við tökum vel á móti nýju fólki og veitum góða einstaklingshæfða aðlögun. Það er velkomið að heimsækja okkur á deildina. Áhugasamir hafið samband við Maríu Vigdísi, deildarstjóra.

Helstu verkefni og ábyrgð
» Hjúkrun einstaklinga í samvinnu við aðra fagaðila
» Þátttaka í teymisvinnu

Hæfnikröfur
» Jákvætt viðhorf, frumkvæði og samskiptahæfileikar
» Faglegur metnaður
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Störfin laus 15. mars 2018 eða eftir samkomulagi. Um er að ræða 2 stöðugildi og er starfshlutfall samkomulag. 
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 05.03.2018

Nánari upplýsingar veitir
María Vigdís Sverrisdóttir - [email protected] - 824 5991
Þórdís Ágústa Ingólfsdóttir - [email protected] - 824 5480

LSH Bráðalyflækningadeild
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn