Sérfræðingur í lyfjaöryggisdeild - Lyfjastofnun - Reykjavík - 201804/727

 

Lyfjastofnun óskar eftir að ráða sérfræðing í lyfjaöryggisdeild á eftirlitssviði

Lyfjastofnun auglýsir laust starf sérfræðings í lyfjaöryggisdeild á eftirlitssviði. Helstu verkefni lyfjaöryggisdeildar eru: Lyfjaskortur, úrvinnsla og yfirferð aukaverkanatilkynninga, mat og birting öryggis- og fræðsluefnis lyfja, stoðskrá lyfja og mat og afgreiðsla umsókna vegna klínískra lyfjarannsókna.

Leitað er að öflugum einstaklingi sem er reiðubúinn að vinna fjölbreytt og krefjandi starf og taka þátt í mótun nýrra verkefna og verkferla hjá Lyfjastofnun. Starfið er tímabundið til eins árs. Starfshlutfall er 100%.

Helstu verkefni: 
Umsjón með úrvinnslu og afgreiðslu mála sem upp koma í tengslum við skort á lyfjum, þ.m.t. mótun verkferla, ráðgjöf og samskipti við hagsmunaaðila
Umsjón með stoðskrá lyfja, þ.m.t. mótun verkferla, ráðgjöf og samskipti við hagsmunaaðila
Úrvinnsla og yfirferð aukaverkanatilkynninga
Mat á öryggis- og fræðsluefni
Afgreiðsla umsókna um klínískar lyfjarannsóknir

Menntunar- og hæfniskröfur:
Meistarapróf í lyfjafræði eða sambærileg menntun sem nýtist í starfi
Menntun eða reynsla í klínískri lyfjafræði er kostur
Gott vald á íslensku og ensku í töluðu og rituðu máli 
Góð tölvukunnátta, reynsla af vinnu við lyfjaupplýsingakerfi er æskileg
Mjög góð samskiptahæfni
Nákvæm, sjálfstæð og skipulögð vinnubrögð
Jákvæðni og sveigjanleiki
Frumkvæði og faglegur metnaður
Hæfni til að vinna sjálfstætt og í teymi

Upplýsingar um starfið veita Eva Björk Valdimarsdóttir, deildarstjóri lyfjaöryggisdeildar, [email protected], og Sigurlaug Kristín Jóhannsdóttir, mannauðsstjóri, [email protected], eða síma: 520-2100. 

Laun eru samkvæmt kjarasamningi fjármálaráðherra og hlutaðeigandi stéttarfélags.

Umsóknir um starfið óskast sendar á netfangið [email protected], merkt í efnislínu: „Sérfræðingur í lyfjaöryggisdeild“. Með umsókn skal fylgja ítarleg ferilskrá og kynningarbréf með rökstuðningi fyrir hæfni viðkomandi í starfið. Æskilegt er að umsækjandinn geti hafið störf sem fyrst. Lyfjastofnun hvetur bæði karla og konur til að sækja um starfið. 

Umsóknarfrestur er til og með 23. apríl nk.

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í 6 mánuði frá lokum umsóknarfrests. 

Lyfjastofnun er ríkisstofnun sem heyrir undir heilbrigðisráðherra. Helstu hlutverk hennar eru að gefa út markaðsleyfi fyrir lyf á Íslandi í samvinnu við lyfjayfirvöld á Evrópska efnahagssvæðinu, hafa eftirlit  með lyfjafyrirtækjum og heilbrigðisstofnunum á Íslandi, meta gæði og öryggi lyfja og tryggja faglega upplýsingagjöf um lyf til heilbrigðisstarfsfólks og neytenda. Hjá Lyfjastofnun vinna 62 starfsmenn. Stofnunin var í 9. sæti í könnuninni Stofnun ársins 2017 yfir stofnanir með 50 starfsmenn eða fleiri. Lyfjastofnun leggur áherslu á gott vinnuumhverfi, starfsþróun og framfylgir stefnu um samræmingu fjölskyldulífs og vinnu. Gildi Lyfjastofnunar eru gæði – traust – þjónusta. 

Sjá nánari upplýsingar um Lyfjastofnun á vef stofnunarinnar www.lyfjastofnun.is

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn