Skrifstofustarf, sumarafleysing - Sýslumaðurinn á Vestfjörðum - Patreksfjörður - 201804/732


Sýslumaðurinn á Vestfjörðum - Sumarafleysingar á Patreksfirði  

Laus er til umsóknar staða sumarafleysingarmanns á skrifstofu embættis Sýslumannsins  á Vestfjörðum á  Patreksfirði.  Um  er að ræða starf til um þriggja mánaða.  
Helstu verkefni eru afgreiðsla, almenn skrifstofu- og ritarastörf, vinna við innheimtu gjalda og önnur tilfallandi verkefni sem embættið annast. Sjá má upplýsingar um helstu verkefni embættisins á vef sýslumanna, www.syslumenn.is.  

Óskað er eftir  skipulögðum einstaklingi sem býr yfir góðri almennri tölvu- og íslenskukunnáttu. Nauðsynlegt er að umsækjandi sé jákvæður, þjónustulundaður, eigi gott með samskipti og geti unnið undir álagi . Æskilegt væri að viðkomandi gæti  hafið störf um eða upp úr miðjum  maí. 

Starfskjör fara eftir kjarasamningi ríkisins og SFR - Stéttarfélagi í almannaþjónustu. 

Karlar jafnt sem konur eru hvött til að sækja um. 

Frekari upplýsingar veitir Helga Dóra Kristjánsdóttir, starfsmannastjóri,  netfang [email protected],  s. 458 2400.

Umsóknir ásamt ferilskrá skulu berast embættinu í síðasta lagi 1. maí nk. annað hvort með pósti eða í ofangreint netfang. 
Öllum umsóknum verður svarað þegar ákvörðun um ráðningu hefur verið tekin.

Embætti sýslumannsins á Vestfjörðum var stofnað við sameiningu fjögurra embætta sýslumanna á Vestfjörðum 1. janúar 2015 og er starfssvæði þess allir Vestfirðir.  Starfsmenn eru 20 í 17,4 stöðugildum og skrifstofur þrjár.  

Ísafirði, 6. apríl  2018.
Sýslumaðurinn á Vestfjörðum
Jónas Guðmundsson.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn