Verkefnisstjóri fjármála - Háskóli Íslands, Verkfræði- og náttúruvísindasvið - Reykjavík - 201804/723

 

VERKEFNISSTJÓRI FJÁRMÁLA - VERKFRÆÐI- OG NÁTTÚRUVÍSINDASVIÐ

Verkfræði- og náttúruvísindasvið Háskóla Íslands óskar eftir að ráða verkefnisstjóra fjármála.  Viðkomandi verður hluti af fjármálahópi sviðsins. Hlutverk teymisins er að stuðla að hagkvæmum og góðum rekstri sviðsins og veita góða fjármálatengda þjónustu. 

Meginmarkmið verkefnisstjóra er að stuðla að faglegri þjónustu í fjármálum og vinna í samræmi við stefnu og markmið Háskóla Íslands. Viðkomandi aðili kemur að kennslu- og fjárhagsáætlanagerð og uppgjörum á kennslu. Verkefnisstjóri skal stuðla að hagkvæmum rekstri sviðsins í nánu samstarfi við fjármálastjóra. 

HELSTU VERKEFNI 
Gerð kennsluáætlana fyrir deildir sviðsins
Umsjón með kennsluuppgjörum
Frágangur stundakennarasamninga
Innkaupakort sviðs og uppgjör þess
Afgreiðsla innkaupabeiðna
Uppgjör meistara- og doktorsvarna
Upplýsingamiðlun varðandi fjármál, kennslu og rekstur
Úttektir og skýrslugerð af ýmsum toga
Greining og skráning gagna á vef og í ýmis kerfi

MENNTUNAR- OG HÆFNISKRÖFUR 
Háskólamenntun í viðskiptafræði, fjármálum eða skyldum greinum
Reynsla af verkefnastýringu er kostur
Góð tölvufærni og þekking á fjárhagsupplýsingakerfum 
Þjónustulund og skipulagshæfni
Afbragðs samstarfshæfni og lipurð í mannlegum samskiptum 
Frumkvæði í starfi og útsjónarsemi
Mikil ritfærni og færni í miðlun og framsetningu upplýsinga
Mjög góð færni í ræðu og riti jafnt í íslensku og ensku

Umsóknafrestur er til og með  23. apríl 2018.

Sótt er um starfið á vefsíðu Háskóla Íslands undir laus störf.

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests. 

Æskilegt er að viðkomandi geti hafið störf sem fyrst.

Nánari upplýsingar um starfið veitir Sigvaldi Egill Lárusson fjármálastjóri Verkfræði- og náttúruvísindasviðs í síma 525-4606 eða á [email protected].

Laun eru samkvæmt kjarasamningi fjármálaráðherra og Félags háskólakennara.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi.  Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 
Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.









Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn