Deildarlæknir - Landspítali, krabbameinslækningar - Reykjavík - 201804/686

 

Deildarlæknir við krabbameinslækningar
 
Á dag- og göngudeild krabbameinslækninga á lyflækningasviði Landspítala er laust til umsóknar starf deildarlæknis til eins árs, en möguleiki er á ráðningu til lengri eða skemmri tíma. Starfið veitist frá 15. maí 2018 eða eftir nánara samkomulagi. 

Starfið er unnið í náinni samvinnu við sérfræðilækna í krabbameinslækningum og felur í sér þverfaglega teymisvinnu með fjölmörgum öðrum sérgreinum læknisfræðinnar svo sem skurðlækningum, almennum lyflækningum, myndgreiningu og meinafræði. Einnig felur starfið í sér samvinnu við aðrar starfsstéttir sem sinna krabbameinssjúklingum.

Starfsumhverfið á dag- og göngudeild krabbameinslækninga er lærdómsmiðað. Deildarlæknirinn fær sérstaka starfslýsingu og skipulagða handleiðslu sérfræðilæknis í krabbameinslækningum og hægt er að taka tillit til áhugasviðs viðkomandi. Mögulegt er að sinna hluta starfsins á geislalækningadeild. Fagleg árvekni og endurskoðun klínískra leiðbeininga og verkferla er hluti af fagmennsku deildarinnar.

Starfið hentar vel þeim deildarlæknum sem hafa lokið framhaldsnáminu í almennum lyflækningum og þá ekki síst þeim sem hug á að leggja fyrir sig krabbameinslækningar en er líka gagnlegt fyrir þá sem eru að íhuga aðrar sérgreinar. Sérfræðingar deildarinnar hafa mikla reynslu af því að greiða götu deildarlækna út í sérnám. Vinnulagið á deildinni byggir á samvinnu fjölmargra starfsstétta með það að markmiði að gera meðferð og þjónustu við einstaklinga sem greinst hafa með krabbamein og ættingja þeirra skilvirkari.

Helstu verkefni og ábyrgð
» Færni í almennum læknisstörfum
» Þátttaka og þjálfun í greiningu, stigun og meðferð sjúklinga með krabbamein
» Þátttaka í samvinnu ólíkra sérgreina læknisfræðinnar
» Þátttaka í kennslu og vísindastarfi 

Hæfnikröfur
» Reynsla í lyflækningum er góður kostur 
» Góð færni í mannlegum samskiptum
» Öguð vinnubrögð 
» Áhugi á að bæta sig í faglegu klínisku umhverfi 
» Íslenskt lækningaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og lækningaleyfi. 
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 30.04.2018

Nánari upplýsingar veitir
Vilhelmína Haraldsdóttir - [email protected] - 824 5498

LSH Lyflækningar krabbameina
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn