Gæðastjóri jafnlaunavottunar - Landspítali - Reykjavík - 201804/701

 

GÆÐASTJÓRI JAFNLAUNAVOTTUNAR
 
Landspítali leitar að framsæknum og metnaðarfullum einstaklingi í starf gæðastjóra jafnlaunavottunar. Markmið Landspítala er að tryggja að karlar og konur fái sömu laun fyrir sömu eða jafnverðmæt störf og að ferlar við launaákvarðanir séu samkvæmt vottuðu ferli.

Um er að ræða nýtt og krefjandi starf í lifandi og síbreytilegu umhverfi. Starfið tilheyrir kjaradeild á mannauðssviði. 

Helstu verkefni og ábyrgð
» Ráðgjöf og stuðningur til þeirra sem koma að gerð gæðaskjala vegna jafnlaunavottunar
» Skráning á gæðaskjölum varðandi rekjanleika og rökstuðning launaákvarðana
» Utanumhald um verklagsreglur, vinnulýsingar, leiðbeiningar og hlutverkalýsingar 
» Ábyrgð á skjölun, frávikagreiningum og eftirfylgni í samræmi við kröfur staðalsins 
» Samskipti við úttektar- og vottunaraðila 
» Ráðgjöf og leiðbeiningar um vinnu samkvæmt jafnlaunastaðli ÍST 85:2012 
» Önnur gæða- og umbótaverkefni í samræmi við stefnu og starfsáætlun Landspítala í samvinnu við stjórnendur sviðsins 

Við viljum ráða jákvæðan og þjónustulipran einstakling sem á auðvelt með að vinna í teymi og er sterkur í miðlun og tjáningu auk þess að hafa háskólamenntun og reynslu sem hæfir starfinu.

Hæfnikröfur
» Háskólamenntun sem nýtist í starfi
» Reynsla af gæðamálum og/ eða innleiðingu gæðastaðals 
» Reynsla af breytingastjórnun og/ eða umbótastarfi 
» Góð ritfærni á íslensku 
» Framúrskarandi skipulagshæfileikar
» Örugg framkoma og færni í mannlegum samskiptum
» Metnaður, frumkvæði og geta til að starfa sjálfstætt
» Reynsla af jafnlaunastarfi eða öðru starfi tengdu kjaramálum er æskileg 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá auk kynningarbréfs. Ákvörðun um ráðningu í starfið byggist á faglegu og stöðluðu matsferli.
Upphafsdagur starfs er samkvæmt samkomulagi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 30.04.2018

Nánari upplýsingar veitir
Aldís Magnúsdóttir - [email protected] - 543 1339/ 847 4672
Ásta Bjarnadóttir - [email protected] - 543 1330

LSH Skrifstofa mannauðssviðs
Eiríksgötu 5
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn