Hjúkrunarfræðingur - Landspítali, móttaka svæfingadeildar - Reykjavík - 201804/735

 

Hjúkrunarfræðingur á móttöku svæfingadeildar við Hringbraut
 
Óskað er eftir faglegum og metnaðarfullum hjúkrunarfræðingi til starfa á móttökum svæfingadeildar við Hringbraut. Starfið er laust 1. júní 2018 eða eftir nánara samkomulagi og er um dagvinnu á virkum dögum að ræða. Við bjóðum einstaklingsaðlagaða þjálfun, eftir þörfum hvers og eins, á góðum vinnustað þar sem áhersla er lögð á fagmennsku og starfsþróun. Starfið er sérstaklega áhugavert fyrir hjúkrunarfræðinga sem hafa hug á að sérmennta sig í svæfingahjúkrun.

Á svæfingadeild Landspítala starfa um 35 svæfingahjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum. Svæfingadeild heyrir undir aðgerðasvið sem annast rekstur skurðstofa, gjörgæsludeilda, Blóðbankans, dauðhreinsunardeildar auk speglunardeildar.

Helstu verkefni og ábyrgð
» Móttaka sjúklinga fyrir aðgerðir
» Aðstoð við undirbúning og ísetningu deyfinga, æðaleggja og verkjameðferða
» Vöktun sjúklinga
» Ákveða, skrá og veita hjúkrunarmeðferð í samræmi við þarfir skjólstæðinga og bera ábyrgð á meðferð, samkvæmt starfslýsingu og vinnureglum deildar

Hæfnikröfur
» Faglegur metnaður
» Góð samskiptahæfni
» Sjálfstæði í vinnubrögðum
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 30.04.2018

Nánari upplýsingar veitir
Margrét Pálsdóttir - [email protected] - 824 5226
Þórgunnur Hjaltadóttir - [email protected] - 825 5136

LSH Svæfing H
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn