Hjúkrunarfræðingar, sumarafleysing - Heilbrigðisstofnun Suðurnesja - Reykjanesbær - 201804/743

 

Hjúkrunarfræðingar hjá Heilbrigðisstofnun Suðurnesja
 
Heilbrigðisstofnun Suðurnesja óskar eftir að ráða hjúkrunarfræðinga til starfa í heimahjúkrun. Um er að ræða afleysingarstörf frá 1 maí 2018 til 31 ágúst 2018, unnið er í vaktavinnu. Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi. 
Á Heilbrigðisstofnun Suðurnesja eru þrjú svið; heilsugæslusvið, sjúkrahússsvið og hjúkrunarsvið. 

Helstu verkefni og ábyrgð
Hjúkrunarfræðingar í heimahjúkrun veita víðtæka hjúkrun í heimahúsum vegna sjúkdóma og/eða líkamlegrar eða andlegrar skerðingar. Þeir styðja við skjólstæðinga og aðstandendur þeirra sem og samstarfsfólk og skipuleggja hjúkrun og aðra þjónustu sem þörf er á hverju sinni. Þeir eru í samskiptum við aðrar sjúkrastofnanir sem og heilbrigðis- og fagstéttir með hagsmuni skjólstæðinga og öryggi að leiðarljósi. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

Hæfnikröfur
Íslenskt hjúkrunarleyfi.
Faglegur metnaður.
Góð samskiptahæfni.
Sjálfstæði í vinnubrögðum.
Hlýtt og jákvætt viðmót.
Tveggja ára starfsreynsla.
Góð íslenskukunnátta.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á www.hss.is undir laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað.

Starfshlutfall er 50 - 100%
Umsóknarfrestur er til og með 30.04.2018

Nánari upplýsingar veitir
Margrét Blöndal - [email protected] - 422-0500 / 860-0153
Bryndís Sævarsdóttir - [email protected] - 422--0500 / 861-3930

HSS Heimahjúkrun hjúkrunarfræðingar
Skólavegur 6-8
230 Reykjanesbær


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn