Hjúkrunarfræðingur - Heilsugæslan Glæsibæ - Reykjavík - 201804/771

 

Hjúkrunarfræðingur við Heilsugæsluna Glæsibæ
 

Heilsugæslan Glæsibæ auglýsir eftir hjúkrunarfræðingi til starfa við heilsugæsluhjúkrun. Um er að ræða 100% tímabundið starf til eins árs en lægra starfshlutfall kemur einnig til greina. Viðkomandi þarf að geta hafið störf sem fyrst eða eftir nánara samkomulagi.

Heilsugæslan í Glæsibæ leggur metnað sinn í að hafa á að skipa hæfu starfsfólki til að tryggja gæði þjónustunnar. Stefnt er að aukinni þverfaglegri teymisvinnu. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð
Megin starfssvið er heilsuvernd skólabarna og ung- og smábarnavernd. 

Skólahjúkrunarfræðingar sinna reglubundnu heilbrigðiseftirliti nemenda og fræðslu en auk þess sinna þeir öðrum viðfangsefnum sem upp kunna að koma í samstarfi við starfsfólk skólans og foreldra eftir þörfum. Skólahjúkrunarfræðingar á stöðinni eru hluti af fjölskylduteymi Langholts-og Vogahverfis, þverfaglegs teymis sem samhæfir aðgerðir fyrir fjölskyldur barna með ýmiskonar vanda. 

Hjúkrunarfræðingar í ung-og smábarnavernd sinna fjölskyldum nýfæddra barna og fylgast með heilsu og þroska þeirra til 6 ára aldurs með það að markmiði að efla heilsu, vellíðan og þroska ungra barna.

Hæfnikröfur
- Íslenskt hjúkrunarleyfi
- Framúrskarandi samskiptahæfni
- Faglegur metnaður 
- Reynsla af og áhugi á teymisvinnu
- Íslenskukunnátta er nauðsynleg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga.

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Umsókn getur gilt í 6 mánuði.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs- og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. 

Starfshlutfall er 100%
Umsóknarfrestur er til og með 30.04.2018

Nánari upplýsingar veitir
Jóhanna Eiríksdóttir - [email protected] - 513-5700
Halldór Jónsson - [email protected] - 513-5700

HH Glæsibæ hjúkrun
Álfheimum 74
104 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn