Sálfræðingur - Háskóli Íslands, náms- og starfsráðgjöf - Reykjavík - 201804/774

 

Sálfræðingur – Náms- og starfsráðgjöf Háskóla Íslands

Við Náms- og starfsráðgjöf Háskóla Íslands (NSHÍ) eru lausar til umsóknar tvær 50% stöður sálfræðings.

NSHÍ veitir háskólastúdentum margþætta þjónustu en þar starfa nú 13 manns. Starf sálfræðings við NSHÍ er fjölbreytt, viðfangsefni áhugaverð og  starfsumhverfi gott. 

Háskóli Íslands áskilur sér rétt til þess að taka ákvörðun um, verði tilefni til í ráðningarferlinu, að í stað þess að ráðnir verði tveir sálfræðingar í tvær 50% stöður eins og lagt er upp með, verði ráðinn einungis einn sálfræðingur í allt að 100 % starfshlutfall. 

Helstu verkefni: 
Sálfræðileg greining, ráðgjöf og stuðningur við háskólastúdenta.
Námskeiðahald, ráðgjöf og fræðsla.
Meðferð í minni og stærri hópum, s.s. varðandi kvíða, þunglyndi, streitu og sjálfstyrkingu.
Handleiðsla og þjálfun meistaranema í klínískri sálfræði.
Handleiðsla og þjálfun náms- og starfsráðgjafa.
Forvarnarstarf, s.s. geðfræðsla fyrir nemendur Háskóla Íslands.
Áframhaldandi þróun sálfræðiþjónustu fyrir háskólastúdenta.

Menntunar- og hæfniskröfur:
Löggilt réttindi sálfræðings.
Reynsla af beitingu hugrænnar atferlismeðferðar.
Góð færni í mannlegum samskiptum.
Góð kunnátta í íslensku og ensku.
Góð tölvukunnátta.
Frumkvæði, sveigjanleiki og sjálfstæði í starfi.

Um er að ræða krefjandi starf í metnaðarfullu umhverfi og er æskilegt að viðkomandi geti hafið störf í byrjun ágúst eða samkvæmt nánara samkomulagi.

Laun eru samkvæmt kjarasamningi fjármálaráðherra og hlutaðeigandi stéttarfélags.

Umsóknarfrestur er til og með 30. apríl 2018.

Sótt er um starfið á vefsíðu Háskóla Íslands.

Eftirfarandi gögn skulu fylgja umsókn:
I. Ferilskrá.
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess.
III. Staðfest afrit af prófskírteinum.
IV. Upplýsingar um 2-3 umsagnaraðila.

Öllum umsóknum verður svarað og umsækjendum tilkynnt um ráðstöfun starfanna þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Nánari upplýsingar um starfið veitir María Dóra Björnsdóttir, deildarstjóri Náms- og starfsráðgjafar (sími 525-4315 eða [email protected]).

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn