Sérfræðingur á efnahagssviði - Hagstofa Íslands - Reykjavík - 201804/780

 


Sérfræðingur á efnahagssviði

Hagstofa Íslands óskar eftir að ráða sérfræðing til starfa í vísitöludeild.
Deildin sér um útreikning verðvísitalna, úrvinnslu útgjaldarannsóknar og alþjóðlegan verðsamanburð.
Starfið felur í sér vinnu við mælingu og útreikning verðvísitalna og annarrar verðtölfræði. Þar má nefna vísitölu byggingarkostnaðar, vísitölu framleiðsluverðs og vísitölu neysluverðs. Starfið felur að auki í sér samskipti við gagnaveitendur, meðhöndlun stórra gagnasafna, framleiðsluferla, þjónustu við notendur og kynningu á aðferðafræði. Viðfangsefnin eru fjölbreytt og fela í sér mikil samskipti við innlenda og erlenda aðila.

HÆFNISKRÖFUR
Háskólapróf í verkfræði, stærðfræði, hagfræði eða önnur sambærileg menntun sem veitir sterkan grunn í greiningu. Framhaldsmenntun er kostur.
Þekking á vísitölufræðum er kostur
Þekking á vinnslu gagnagrunna (t.d. SQL)
Reynsla af tölfræðilegri úrvinnslu 
Forritunarkunnátta er kostur
Geta til að vinna sjálfstætt, skipulega og undir álagi
Góðir samstarfs- og samskiptahæfileikar
Frumkvæði  og agi

Um er að ræða fullt starf og æskilegt er að viðkomandi geti hafið störf sem fyrst. Laun eru samkvæmt kjarasamningi fjármálaráðuneytisins og hlutaðeigandi stéttarfélags. 

Umsóknarfrestur er til og með 30. apríl 2018 og skulu umsóknir berast í pósti á: Starfsumsókn,  Borgartúni 21a, 150 Reykjavík eða rafrænt á netfangið [email protected].

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknarfrestur rennur út.

Nánari upplýsingar um starfið veitir Ólafur Arnar Þórðarson í síma 5281000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Nánari upplýsingar má finna á www.hagstofa.is

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn