Verkefnisstjóri - Háskóli Íslands, vísinda- og nýsköpunarsvið - Reykjavík - 201804/773

 


Verkefnisstjóri á vísinda- og nýsköpunarsviði Háskóla Íslands

Auglýst er laust til umsóknar fullt starf verkefnisstjóra á vísinda- og nýsköpunarsviði Háskóla Íslands, sjóðsóknaskrifstofu. Um er að ræða framtíðarstarf.

Helstu verkefni:
Þátttaka í rannsóknastyrkjateymi vísinda- og nýsköpunarsviðs
Kynningar á sóknarfærum í erlenda sjóði 
Aðstoð við gerð erlendra og innlendra umsókna
Umsjón með samningum og tengslum við innlenda og erlenda ráðgjafa
Samstarf við rannsóknastjóra fræðasviða háskólans
Ráðgjöf vegna reksturs, uppgjöra og endurskoðunar erlendra rannsóknaverkefna
Ritari samstarfshóps um meðferð erlendra styrkja
Umsjón með sóknarstyrkjum HÍ til vísindamanna
Umsjón með móttöku erlendra gesta til sviðsins
Umsjón með mannauðs- og fjármálum sviðsins 
Almenn skrifstofustörf og önnur tilfallandi verkefni

Menntunar og hæfniskröfur:
Háskólapróf sem nýtist starfi, meistarapróf er kostur
Þekking á innlendum og erlendum rannsóknasjóðum
Reynsla af fjármálum og verkefnisstjórnun er kostur
Góð íslensku- og enskukunnátta, bæði í ræðu og riti,  er nauðsynleg
Góð almenn tölvukunnátta, sérstaklega þekking á excel
Hæfni í mannlegum samskiptum, sveigjanleiki og rík þjónustulund
Metnaður, frumkvæði, sjálfstæði og nákvæmni í vinnubrögðum
Reynsla af störfum í háskólaumhverfi er kostur

Æskilegt er að viðkomandi geti hafið störf sem fyrst.

Umsóknarfrestur er til og með 30. apríl 2018.

Sótt er um starfið á vefsíðu Háskóla Íslands undir laus störf.

Eftirfarandi gögn skulu fylgja umsókn:
Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Laun eru samkvæmt kjarasamningi fjármálaráðherra og Félags háskólakennara.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Nánari upplýsingar veitir Halldór Jónsson, sviðsstjóri vísinda- og nýsköpunarsviðs ([email protected]).

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn