Aðstoðardeildarstjóri - Landspítali, krabbameinslækningadeild - Reykjavík - 201804/736

 

Aðstoðardeildarstjóri - Krabbameinslækningadeild
 
Leitum eftir metnaðarfullum hjúkrunarfræðingi með brennandi áhuga á krabbameinshjúkrun, stjórnun ásamt gæða- og umbótastarfi til að taka að sér starf aðstoðardeildarstjóra. 

Krabbameinslækningadeild 11E við Hringbraut er 15 rúma legudeild þar sem fer fram meðferð einstaklinga með krabbamein auk stuðningsmeðferðar í tengslum við aukaverkanir. Á deildinni starfar um 55 manna metnaðarfullur hópur sem vinnur markvisst að því að bæta þjónustu deildarinnar. Lögð er mikil áhersla á góð samskipti við sjúklinga og fjölskyldur þeirra.
Starfshlutfall er 90-100% og veitist starfið frá 1. júní 2018.

Helstu verkefni og ábyrgð
» Nánasti samstarfsmaður deildarstjóra og vinnur að skipulagningu á starfsemi deildarinnar í samráði við hann
» Ábyrgð á rekstri og mönnun deildar í fjarveru hjúkrunardeildarstjóra
» Er leiðandi í klínísku starfi og framþróun hjúkrunar og umbótastarfi á deild
» Sérstök ábyrgð á tilteknum verkefnum sem honum eru falin

Hæfnikröfur
» Starfsreynsla í hjúkrun
» Stjórnunarþekking og leiðtogahæfni
» Þekking á verkefnastjórnun og umbótastarfi
» Hæfni í mannlegum samskiptum
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 90 - 100%
Umsóknarfrestur er til og með 30.04.2018

Nánari upplýsingar veitir
Ásthildur Guðjohnsen - [email protected] - 896 2311
Þórdís Ágústa Ingólfsdóttir - [email protected] - 824 5480

LSH Krabbameinslækningadeild
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn