Sérfræðingur í félagsvísum - Hagstofa Íslands - Reykjavík - 201804/799


Sérfræðingur í félagsvísum

Hagstofa Íslands óskar eftir að ráða sérfræðing í félagsvísum. 

Starfið felst í gerð félagsvísa sem veita upplýsingar um lífskjör þjóðarinnar og aðstæður ólíkra hópa til dæmis eftir fjölskyldugerð, kyni og aldri. Að auki mun starfsmaðurinn taka þátt í rannsóknarstarfi og öðrum verkefnum innan stofnunarinnar.

HÆFNISKRÖFUR
Háskólapróf sem nýtist í starfi
Þekking á félags- og velferðarrannsóknum er mikill kostur
Reynsla af tölfræðilegri úrvinnslu og framsetningu tölulegra upplýsinga
Góð kunnátta á tölfræðiforritum (s.s. R og SPSS)
Reynsla af gagnagrunnsvinnslu (t.d. SQL) er kostur
Góð samskipta- og samstarfsfærni
Frumkvæði, nákvæmni og skipulögð vinnubrögð 
Geta til að tjá sig í ræðu og riti

Um er að ræða fullt starf og er æskilegt að viðkomandi geti hafið störf sem fyrst.  Laun eru skv. kjarasamningi fjármálaráðuneytisins og hlutaðeigandi stéttarfélags.

Umsóknarfrestur er til og með 14. maí 2018 og skulu umsóknir berast til:  Starfsumsókn,  Borgartúni 21a, 105 Reykjavík eða rafrænt á netfangið [email protected].  Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út.

Nánari upplýsingar um starfið veitir Helga Hauksdóttir í síma 5281000

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Nánari upplýsingar má finna á www.hagstofa.is



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn