Lögreglumenn - Lögreglustjórinn á Norðurlandi eystra - Akureyri/Húsavík - 201805/943


Lögreglumenn, sex stöður – Lögreglustjórinn á Norðurlandi eystra

Lögreglustjórinn á Norðurlandi eystra auglýsir lausa til umsóknar sex stöður lögreglumanna við embættið, þrjár þeirra með starfsstöð á Akureyri og þrjár með starfsstöð á Húsavík. 

Helstu verkefni og ábyrgð: 
Hlutverk lögreglu er að gæta almannaöryggis og tryggja réttaröryggi; stemma stigum við afbrotum og vinna að uppljóstran brota; greiða götu borgaranna og veita yfirvöldum aðstoð við framkvæmd starfa sinna og að halda uppi almannafriði og allsherjarreglu. 

Hæfnikröfur:
Umsækjendur skulu hafa lokið prófi frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Þó er heimilt að víkja frá þeirri reglu ef umsækjendur sem lokið hafa prófi frá skólanum eða diplómanámi í lögreglufræðum sem jafngildir a..m.k. 120 stöðluðum námseiningum, þ.m.t. starfsnámi á vegum lögreglunnar, eru ekki tiltækir eða nægilega margir, sbr. 5. mgr. 28. gr. lögreglulaga nr. 90/1996. Góð þekking á lögreglukerfinu (LÖKE) æskileg sem og önnur almenn tölvukunnátta, einnig er tungumálakunnátta kostur. Nauðsynlegt er að viðkomandi búi yfir skipulagshæfni og vandvirkni í vinnubrögðum, sýni frumkvæði og sjálfstæði í starfi og hafi yfir að búa færni í mannlegum samskiptum og hæfni til að starfa í hóp. Góð staðarþekking er kostur.  

Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um skipun hefur verið tekin. Umsóknum skal skilað á sérstökum umsóknareyðublöðum sem fást hjá öllum lögreglustjórum eða á lögregluvefnum www.logreglan.is, undir liðnum eyðublöð. Umsóknum ásamt upplýsingum um menntun og starfsferil, ásamt ljósriti af prófskírteinum og öðrum gögnum skal skilað á netfangið [email protected] eða til Lögreglustjórans á Norðurlandi eystra, Þórunnarstræti 138, 600 Akureyri. 

Umsóknarfrestur er til og með 28. maí 2018. 

Ráðningarkjör samkvæmt gildandi kjarasamningi fjármálaráðherra f.h. ríkissjóðs og Landsambands lögreglumanna. Starfshlutfall er 100% og starfið vaktavinna.

Gert er ráð fyrir að lögreglustjóri skipi í stöðurnar, til fimm ára, á Akureyri frá og með 1. júlí 2018 og á Húsavík eigi síðar en frá 1. september 2018. 

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um. 

Athygli er vakin á að umsóknir munu gilda í 6 mánuði frá því að umsóknarfrestur rennur út.

Nánari upplýsingar veita Kristján Kristjánsson, yfirlögregluþjónn og Jóhannes Sigfússon, aðstoðaryfirlögregluþjónn, í síma 444-2800. 

Akureyri, 3. maí 2018.
Lögreglustjórinn á Norðurlandi eystra.



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn