Hjúkrunarfræðingur - Landspítali, heila-, tauga- og bæklunarskurðdeild - Reykjavík - 201805/918

 

Hjúkrunarfræðingur á heila-, tauga- og bæklunarskurðdeild
 
Hefur þú áhuga á hjúkrun skurðsjúklinga ? 
Leitum eftir hjúkrunarfræðingum á næturvaktir og í vaktavinnu, starfshlutfall er samkomulag. Á heila-, tauga- og bæklunarskurðdeild B6 starfar kraftmikill hópur starfsfólks í þverfaglegu teymi sem sinna sjúklingum eftir aðgerð á heila, mænu og taugum auk þjónustu við sjúklinga með stoðkerfisvandamál og eftir liðskiptaaðgerðir. 

Verkefnin eru fjölbreytt og tækifæri til framþróunar í hjúkrun mikil. Lögð áhersla á starfsþróun hjúkrunarfræðinga. Á deildinni fer m.a. fram herminámi þar sem líkt er eftir tilfelli með hermisjúklingi en þetta er liður í því að æfa vinnubrögð og samskipti og þannig stuðla að góðri liðsheild með sjúklinginn í öndvegi. Einnig er hafinn undirbúningur fyrir opnun hágæslueiningar. Lögð er áhersla á góða einstaklingsbundna aðlögun samkvæmt sérsniðnu prógrami fyrir nýráðna.

Helstu verkefni og ábyrgð
» Ákveða, skipuleggja og veita hjúkrunarmeðferð 
» Skipuleggja og veita fræðslu til sjúklinga og aðstandenda
» Taka þátt í þverfaglegri teymisvinnu
» Fylgjast með nýjungum innan hjúkrunar

Hæfnikröfur
» Faglegur metnaður og sjálfstæði í vinnubrögðum
» Jákvætt viðhorf, frumkvæði og góðir samskiptahæfileikar
» Hæfni og geta til að vinna í teymi
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Æskilegt að umsækjendur geti hafið störf sem fyrst. Um er að ræða 2 stöðugildi. 
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 28.05.2018

Nánari upplýsingar veitir
Dröfn Ágústsdóttir - [email protected] - 824 5946
Þórdís Wium - [email protected]s - 824 5625

LSH Heila-, tauga- og bæklunarskurðdeild
Fossvogi
108 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn