Svæfingahjúkrunarfræðingur - Landspítali, svæfingadeild - Reykjavík - 201805/919

 

Svæfingahjúkrunarfræðingur - Svæfingadeild Hringbraut
 
Óskað er eftir að ráða til starfa faglegan og metnaðarfullan hjúkrunarfræðing með sérhæfingu í svæfingahjúkrun á svæfingadeildina á Hringbraut. Unnið er í mest í dagvinnu ásamt hús- og bakvöktum eftir að þjálfun lýkur. Í boði er einstaklingsaðlöguð þjálfun eftir þörfum hvers og eins, á góðum vinnustað sem er í fararbroddi í faglegu starfi og þróun. Starfið er laust frá 1. júní 2018 eða eftir nánara samkomulagi.

Á svæfingadeildinni við Hringbraut starfa um 35 svæfingahjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum. Svæfingadeild heyrir undir aðgerðarsvið sem annast rekstur skurðstofa, gjörgæsludeilda, Blóðbankans, dauðhreinsunardeildar auk speglunardeildar.

Helstu verkefni og ábyrgð
» Starfa við svæfingadeild við Hringbraut og á kvennadeild við svæfingu sjúklinga við skurðaðgerðir
» Sinna símainnritun sjúklinga fyrir dagdeildaraðgerðir, verkjaeftirliti eftir aðgerðir ásamt öðrum sérhæfðum verkefnum á ýmsum deildum spítalans
» Ákveða, skipuleggja og veita hjúkrunarmeðferð í samráði við skjólstæðing og bera ábyrgð á meðferð, samkvæmt starfslýsingu og vinnureglum deildar

Hæfnikröfur
» Faglegur metnaður
» Góð samskiptahæfni
» Sjálfstæði í vinnubrögðum
» Sérnám í svæfingahjúkrun
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 28.05.2018

Nánari upplýsingar veitir
Margrét Pálsdóttir - [email protected] - 824 5226
Þórgunnur Hjaltadóttir - [email protected] - 825 5136

LSH Svæfing H
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn