Sálfræðingur - Heilbrigðisstofnun Austurlands - Neskaupstaður - 201805/983

 

Sálfræðingur - Heilbrigðisstofnun Austurlands
 
Heilbrigðisstofnun Austurlands (HSA) óskar eftir að ráða til starfa yfirsálfræðing. Um er að ræða 50% starf og möguleika á auknu starfshlutfalli um komandi áramót. Staðan veitist frá 1. ágúst 2018 eða eftir nánara samkomulagi.

Helstu verkefni og ábyrgð
Yfirumsjón með skipulagi og framkvæmd sálfræðiþjónustu við HSA og uppbyggingu geðheilbrigðisþjónustu í HSA í samvinnu við framkvæmdastjóra hjúkrunar og framkvæmdastjóra lækninga. Klínískt starf í fullorðinsþjónustu. Handleiðsla annarra sálfræðinga og eftir atvikum handleiðsla og kennsla annarra fagmanna. 

Hæfnikröfur
- Starfsleyfi sem sálfræðingur frá Embætti landlæknis.
- Sérfræðileyfi í klínískri sálfræði er skilyrði.
- Stjórnunarreynsla er skilyrði.
- Æskileg er klínísk reynsla 8-10 ár, með áherslu á fullorðinsþjónustu.
- Lögð er áhersla á faglegan metnað, jákvæðni og sveigjanleika. Lipurð og áreiðanleiki í samskiptum eru skilyrði. 
- Íslenskukunnátta áskilin.
- Fullgild ökuréttindi.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Umsóknum skal skilað rafrænt til HSA með því að fylla út umsóknarform á vefsíðu stofnunarinnar; www.hsa.is, undir flipanum laus störf.
Öllum umsóknum verður svarað. Tekið er mið af jafnréttisstefnu HSA við ráðningar. Umsókn fylgi staðfestar upplýsingar um nám, starfsreynslu, og ef við á, kennslu og vísindastörf, ásamt afriti af greinum sem umsækjandi kann að hafa birt eða skrifað. Mat HSA byggist á innsendum umsóknargögnum. 

Tóbaksnotkun, þar með talið rafrétta er ekki heimil á vinnutíma innan HSA.

HSA starfar á þremur fagsviðum; heilsugæslu-, hjúkrunar- og sjúkrasviði. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. Umdæmissjúkrahús Austurlands er í Neskaupstað. Á þjónustusvæði HSA eru auk þess fimm heilsugæslustöðvar, en alls eru starfsstöðvarnar ellefu talsins.
HSA vill byggja þjónustu sína á mannvirðingu, þekkingu og þverfaglegri samvinnu.
www.hsa.is

Starfshlutfall er 50%
Umsóknarfrestur er til og með 30.05.2018

Nánari upplýsingar veitir
Nánari upplýsingar veita Guðjón Hauksson, forstjóri HSA, s. 470-3050 og 774-5030, netf. [email protected] og Pétur Heimisson, framkvæmdastjóri lækninga, s. 470-3052 og 860-6830, netf. [email protected] og Nína H. Gunnarsdóttir, framkvæmdastjóri hjúkrunar s. 470-3054 og 862-1030, netf. [email protected]

Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn