Verkefnisstjóri - Háskóli Íslands, Miðstöð framhaldsnáms - Reykjavík - 201805/973

 

Verkefnisstjóri á Miðstöð framhaldsnáms Háskóla Íslands.

Umsóknarfrestur framlengdur til 6. júní nk.

Laust er til umsóknar fullt starf verkefnisstjóra hjá Miðstöð framhaldsnáms Háskóla Íslands.

Miðstöð framhaldsnáms er hluti af yfirstjórn háskólans og hefur umsjón með og fylgir eftir settum viðmiðum og kröfum um gæði meistara- og doktorsnáms við Háskóla Íslands í þeim tilgangi að stuðla að kröftugu vísindastarfi sem stenst alþjóðlegan samanburð og samkeppni. Náið samstarf er við fræðasvið, deildir, gæðanefnd háskólaráðs, vísindanefnd háskólaráðs og sameiginlega stjórnsýslu. 

Hlutverk verkefnisstjóra er m.a. að halda utan um gögn og viðfangsefni er tengjast viðmiðum og kröfum um gæði framhaldsnáms og eftirlit með þeim og að veita nemendum, kennurum, deildum, fræðasviðum og yfirstjórn háskólans þjónustu og ráðgjöf. Eftir atvikum annast verkefnisstjóri einnig ýmis samskipti háskólans við innlenda og erlenda samstarfsaðila vegna framhaldsnáms, kennslu og rannsókna sem slíku samstarfi tengist. Um er að ræða fjölbreytt og spennandi starf. 


Menntunar- og hæfniskröfur:
Meistarapróf sem nýtist í starfi, doktorspróf er kostur
Þekking og áhugi á uppbyggingu náms á meistara- og doktorsstigi
Þekking og áhugi á rannsóknum og málefnum framhaldsnema
Reynsla af alþjóðlegu samstarfi
Frumkvæði, skipulagshæfni og sjálfstæð vinnubrögð
Góð samstarfshæfni og lipurð í mannlegum samskiptum
Mjög góð íslensku- og enskukunnátta í ræðu og riti
Þekking á viðmiðum og kröfum um gæði framhaldsnáms við Háskóla Íslands er kostur

Æskilegt er að umsækjandi geti hafið störf sem fyrst.

Laun eru samkvæmt kjarasamningi Félags háskólakennara og fjármálaráðherra.

Umsóknarfrestur er til 6. júní 2018.

Um er að ræða tímabundið starf til eins árs vegna afleysingar. 

Sótt er um starfið á vefsíðu Háskóla Íslands undir laus störf.

Eftirfarandi gögn skulu fylgja umsókn:
Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess.


Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir Guðlaug Þóra Kristjánsdóttir skrifstofustjóri Miðstöðvar framhaldnáms sími: 525-4090, netfang: [email protected]

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Háskóli Íslands er í 242. sæti yfir bestu háskóla heims, samkvæmt nýjasta matslista Times Higher Education.

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn