Lögreglufulltrúi - Ríkislögreglustjóri, mennta- og starfsþróunarsetur - Reykjavík - 201805/998

Lögreglufulltrúi- ríkislögreglustjóri  / mennta- og starfsþróunarsetur

Við embætti ríkislögreglustjóra er laus til umsóknar ein (1) staða lögreglufulltrúa við mennta- og starfsþróunarsetur lögreglu. Mennta- og starfsþróunarsetur lögreglu starfar innan embættis ríkislögreglustjóra. Hlutverk mennta- og starfsþróunarseturs er m.a. 
að annast starfsnám nema í lögreglufræðum við háskóla, sbr. 38. gr., í samstarfi við háskóla, 
að hafa umsjón með símenntun lögreglumanna innan lögreglu, 
að annast skipulagningu og framboð sérhæfðra námskeiða, eftir atvikum í samstarfi við háskóla eða á grundvelli alþjóðasamstarfs, 
að vera stjórnvöldum til ráðgjafar um menntun lögreglumanna, 
að annast alþjóðasamskipti á vettvangi lögreglumenntunar, 
að annast önnur verkefni er lúta að menntun og fræðslu lögreglu.

Starfsstöð er að Krókhálsi 5a, 110 Reykjavík. Ríkislögreglustjóri setur í stöðuna til reynslu til 1 árs frá og með 7. ágúst 2018, með skipun í huga að reynslutíma loknum.

Helstu verkefni og ábyrgð
Samstarf við lögregluembætti landsins um starfsþjálfun lögreglufræðanema hjá embættunum. Umsjón með samræmingu á skipulagi starfsþjálfunar lögreglufræðanema hjá lögregluembættum, innihaldi, námsmati og gæðamati.

Þjálfun lögreglufræðanema á eftirfarandi sérsviðum: 
valdbeitingar- og handtökuaðferðum
meðferð skotvopna
akstri með forgangi
þjálfun í þjálfunarhermi

Hæfnikröfur og frekari upplýsingar um starfið
Auk þess að hafa góða faglega þekkingu á málefnum lögreglunnar þurfa umsækjendur að búa yfir reynslu úr lögreglustarfi, hafa góða hæfileika til mannlegra samskipta, vera hvetjandi og geta veitt nemendum bæði endurgjöf og stuðning, vera gæddur skipulagshæfileikum, geta starfað sjálfstætt, af frumkvæði og vera nákvæmir í vinnubrögðum.

Til þess að hljóta skipun í stöðu lögreglufulltrúa sbr. 3. mgr. 14. gr. reglugerðar nr. 1051/2006 um starfsstig innan lögreglunnar, skal umsækjandi hafa starfað sem lögreglumaður í að minnsta kosti 2 ár frá því hann lauk prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Umsækjendur þurfa að hafa gott vald á íslensku og ensku auk þess að búa yfir góðri tölvukunnáttu og þekkingu á notkun upplýsingakerfa lögreglu. Kostur er að umsækjendur hafi viðbótarmenntun sem nýtist í starfinu og einnig er kostur ef þeir hafa reynslu af verkefnastjórnun, þjálfun eða kennslu.

Ríkislögreglustjóri skipar valnefnd til að meta umsóknir um starfið og verða umsækjendur metnir á heildstæðan máta út frá hæfnis- og menntunarkröfum, helstu verkefnum og ábyrgð starfsins sem og lagt til grundvallar við það mat hlutverk mennta- og starfsþróunarseturs lögreglu. 

Umsóknum skal skilað skilað á netfangið [email protected] eða til embættis ríkislögreglustjóra, Skúlagötu 21, 101 Reykjavík, en umsóknarfrestur er til og með 1. júní nk. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum liðnum „Eyðublöð – Ýmis leyfi“. Umsókn skal fylgja upplýsingar um nám og reynslu af kennslu og þjálfun.- Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. 

Ólafur Örn Bragason forstöðumaður mennta- og starfsþróunarseturs lögreglu og Thelma Cl. Þórðardóttir yfirlögfræðingur veita nánari upplýsingar um starfið í síma 444-2500.

Ráðningakjör eru skv. kjarasamningi Landssambands lögreglumanna og fjármálaráðherra f.h. ríkissjóðs. Starfshlutfall er 100%. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu hefur verið tekin.

Vakin er athygli á því að að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Reykjavík, 11. maí 2018.
Ríkislögreglustjóri

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn