Sjúkraliði - Landspítali, gjörgæsla og vöknun - Reykjavík - 201805/965

 

Sjúkraliði á gjörgæslu og vöknun LSH við Hringbraut
 
Við viljum ráða faglegan og metnaðarfullan sjúkraliða til starfa á gjörgæslu og vöknun á aðgerðarsviði Landspítala. Deildin þjónar einstaklingum sem þarfnast gjörgæslumeðferðar af margvíslegum ástæðum. Þar er einnig veitt sérhæfð meðferð, t.d. eftir hjartastopp og opnar hjartaaðgerðir, ásamt því að sinna sjúklingum eftir ýmsar aðgerðir og deyfingar. Á deildinni eru um 90 starfsmenn og lögð er áhersla á gott starfsumhverfi.

Í boði er góð einstaklingsaðlögun undir leiðsögn reyndra sjúkraliða og frábært starfsumhverfi. Starf á gjörgæsludeild býður upp á tækifæri til að þróa með sér mikla faglega þekkingu og hæfni í sjálfstæðum vinnubrögðum. 
Starfið er laust frá 1. júní 2018 eða eftir nánari samkomulagi. Unnið er í vaktavinnu og er starfshlutfall samkomulagsatriði. 

Helstu verkefni og ábyrgð
» Ber ábyrgð á að veita skjólstæðingum sínum hjúkrun í samræmi við sýn og stefnu hjúkrunar á Landspítala
» Skipuleggur og forgangsraðar störfum sínum í samráði við hjúkrunarfræðing og í samræmi við þar til gerða hjúkrunaráætlun

Hæfnikröfur
» Faglegur metnaður og framsækni í starfi
» Sveigjanleiki, jákvætt viðmót og góðir samskiptahæfileikar
» Skipulögð, sjálfstæð og öguð vinnubrögð
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 28.05.2018

Nánari upplýsingar veitir
Árni Már Haraldsson - [email protected] - 825 9577
Þórgunnur Hjaltadóttir - [email protected] - 825 5136

LSH Gjörgæsla H
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn