Sérfræðingur á sviði fjármálastöðugleika - Seðlabanki Íslands - Reykjavík - 201805/1014

Sérfræðingur á sviði fjármálastöðugleika - þjóðhagsvarúð

Seðlabanki Íslands óskar eftir að ráða sérfræðing til starfa í deild þjóðhagsvarúðar á sviði fjármálastöðugleika. Um er að ræða 100% starfshlutfall með starfsstöð í Reykjavík. 

Eitt meginverkefna Seðlabanka Íslands er að stuðla að stöðugu, öruggu og virku fjármálakerfi. Fjármálastöðugleiki er svið innan Seðlabankans sem fylgist með þróun fjármálakerfisins, styrk þess og skilvirkni og áhrifum efnahagslegra þátta á kerfið í heild sinni. Meðal verkefna deildar þjóðhagsvarúðar er að rannsaka og greina áhættu sem raskað getur stöðugleika íslenska fjármálakerfisins. Deildin sér um umsýslu kerfisáhættunefndar

Helstu verkefni og ábyrgð
- Greining á samspili efnahagsþróunar og fjármálalegs stöðugleika
- Greining á þróun hagstærða og sviðsmyndagerð fyrir álagspróf 
- Þróun á greiningaraðferðum og mælikvörðum til að greina og meta kerfisáhættu 
- Skrif í rit bankans, sér í lagi ritið Fjármálastöðugleiki
- Tilfallandi verkefni, umsagnir og ráðgjöf á ábyrgðarsviðum fjármálastöðugleika

Hæfnikröfur
- Meistarapróf í hagfræði, verkfræði, tölfræði eða sambærilegum greinum
- Góð þekking og áhugi á þjóðhagfræði og fjármálafræðum
- Góðir samskiptahæfileikar og vilji til að starfa í hópi
- Gott vald á upplýsingatækni og gagnavinnslu
- Gott vald á ensku og íslensku, bæði í töluðu og rituðu máli
- Frumkvæði og geta til að vinna sjálfstætt

Frekari upplýsingar um starfið
Laun greiðast skv. kjarasamningi Samtaka starfsmanna fjármálafyrirtækja.
Umsóknir gilda í sex mánuði. Öllum umsóknum verður svarað þegar ákvörðun um ráðningu hefur verið tekin. Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans.

Starfshlutfall er 100%
Umsóknarfrestur er til og með 04.06.2018

Nánari upplýsingar veitir
Eggert Þröstur Þórarinsson, forstöðumaður þjóðhagsvarúðar, netfang [email protected] og Íris Guðrún Ragnarsdóttir mannauðsstjóri, netfang [email protected]

Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn