Aðstoðardeildarstjóri - Landspítali, 5 daga deild geðendurhæfingar - Reykjavík - 201805/1004

Aðstoðardeildarstjóri 5 daga deildar geðendurhæfingar
 
Laust er til umsóknar starf aðstoðardeildarstjóra á 5 daga deild geðendurhæfingar. Við viljum ráða metnaðarfullan og skipulagðan aðstoðardeildarstjóra með afburða samskiptahæfni sem hefur áhuga á geðhjúkrun og stjórnun. Starfshlutfall er 90-100%. Æskilegt að umsækjandi geti hafið starf sem fyrst eða eftir samkomulagi. Unnið er í vaktarvinnu en a.m.k. 70% í dagvinnu. Ráðning er til 2ja ára í senn.

Starfsemi endurhæfingargeðdeildarinnar á Kleppi skiptist í 5 daga og 7 daga legudeildir auk dagdeildarþjónustu. Rými er fyrir 23 einstaklinga á deildinni , 12 rými á 7 daga deild og 11 rými á 5 daga deild auk dagdeildarþjónustu. 

Deildin sinnir geðendurhæfingu og meðferð fólks með alvarlegan geðvanda s.s. lyndis- og kvíðaraskanir auk annarra alvarlegra geðsjúkdóma. Unnið er í nánu samstarfi við 7 daga legudeild og dagdeild geðendurhæfingar. Meðferðarnálgun byggir á einstaklings- og batamiðaðri hugmyndafræði sem og virku samstarfi við aðstandendur.

Helstu verkefni og ábyrgð
» Aðstoðardeildarstjóri vinnur í nánu samstarfi við hjúkrunardeildarstjóra og aðra stjórnendur á geðendurhæfingardeild. 
» Ber ábyrgð á rekstri og mönnun deildar í fjarveru hjúkrunardeildarstjóra 
» Skipuleggur og stjórnar starfsemi deildar í samráði við hjúkrunardeildarstjóra
» Er leiðandi í klínísku starfi og framþróun hjúkrunar 
» Stuðlar að hvetjandi, stöðugri liðsheild og jákvæðu starfsumhverfi
» Þátttaka í þverfaglegri teymisvinnu 
» Umsjón og þátttaka í umbótaverkefnum
» Sérstök ábyrgð á tilteknum verkefnum sem hjúkrunardeildarstjóri felur honum samkvæmt sérstakri verkefnalýsingu 

Hæfnikröfur
» Áhugi á geðhjúkrun og hjúkrunarstjórnun 
» Reynsla af geðhjúkrun og hjúkrunarstjórnun er æskileg 
» Leiðtogahæfni 
» Áhugi á þverfaglegu samstarfi og teymisvinnu 
» Framúrskarandi samskiptahæfni, sveigjaleiki og hæfni í mannlegum samskiptum og teymisvinnu 
» Skipulagshæfni og frumkvæði í starfi
» Faglegur metnaður og ábyrgð í starfi 
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 90 - 100%
Umsóknarfrestur er til og með 04.06.2018

Nánari upplýsingar veitir
Díana Liz Franksdóttir - [email protected] - 824 5779
Rakel Dögg Sigurðardóttir - [email protected] - 543 4213

LSH Endurhæfingargeðdeild
v/Kleppsgarð 3
104 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn