Hjúkrunarfræðingur - Landspítali, göngudeild BUGL - Reykjavík - 201805/1002

Hjúkrunarfræðingar óskast á göngudeild BUGL
 
Tvær stöður hjúkrunarfræðinga eru lausar til umsóknar á göngudeild BUGL. Önnur staðan er til frambúðar, hin staðan er vegna afleysinga til eins árs. Ráðið er í störfin frá 1. ágúst 2018 eða eftir samkomulagi.

Á göngudeild BUGL er unnið í þverfaglegum teymum og fjölbreytt meðferðarúrræði í boði en nánari upplýsingar um deildina má finna á heimasíðu kvenna- og barnasviðs (www.barnaspitali.is). 
Töluverðir möguleikar eru til starfsþróunar.

Helstu verkefni og ábyrgð
Um er að ræða fjölbreytt starf við móttöku, meðferð og eftirfylgd barna og unglinga með þroska- og geðraskanir. 

Hæfnikröfur
» Framhaldsnám í geðhjúkrun eða skyldum greinum er æskilegt
» Reynsla af meðferðarstarfi er æskilegt
» Hæfni til að vinna sjálfstætt og í samvinnu við aðra meðferðaraðila
» Sveigjanleiki og lipurð í mannlegum samskiptum
» Áhugi á þverfaglegu samstarfi og teymisvinnu
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 04.06.2018

Nánari upplýsingar veitir
Helga Jörgensdóttir - [email protected] - 842 5783
Valgerður Hafdís Jensen - [email protected] - 543 4300

LSH Göngudeild BUGL
Dalbraut 12
105 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn