Hjúkrunarfræðingur/teymisstjóri - Landspítali, dagdeild geðendurhæfingar - Reykjavík - 201805/1003

Hjúkrunarfræðingur/ teymisstjóri dagdeildar geðendurhæfingar
 
Við leitum eftir kraftmiklum og framsæknum teymisstjóra til að leiða starf dagdeildarteymis geðendurhæfingar á Kleppi. Starfshlutfall er 100% og eingöngu dagvinna. Æskilegt að umsækjandi geti hafið starf sem fyrst eða eftir samkomulagi.

Um er að ræða þverfaglegt dagdeildarteymi sem er nýtt meðferðarúrræði í þróun geðendurhæfingar á Kleppi. Dagdeildarteymið sinnir einstaklingum með ýmsan geðvanda s.s. kvíða og lyndisraskanir. Þjónustan sem veitt er í teyminu verður sérhæfð gagnreynd dagdeildarmeðferð og tekur mið af þörfum hvers og eins. Teymið vinnur í samstarfi við legudeildir geðendurhæfingar.

Dagdeildarteymið er nýstofnað, mikil framþróun er við stofnun þess og gefst viðkomandi tækifæri til að taka þátt í framtíðarþróun og uppbyggingu þjónustunnar. Sérstök áhersla er lögð á einstaklings- og batamiðaða þjónustu sem og virkt samstarf við aðstandendur. Næsti yfirmaður er hjúkrunardeildarstjóri endurhæfingargeðdeildar 5 og 7 daga geðsviðs. 

Helstu verkefni og ábyrgð
» Virk þátttaka í framþróun og uppbyggingu þjónustunnar
» Ábyrgð á daglegum rekstri og þjónustu teymisins í umboði og samvinnu við stjórnendur deildar
» Virk þátttaka í þverfaglegu samstarfi 
» Málastjórn fyrir einstaklinga
» Ábyrgð á árangursmælingum teymis og skil á reglulegum skýrslum um starfsemi teymis
» Umsjón með öruggri, árangursríkri og gagnreyndri þjónustu við skjólstæðinga teymisins samkvæmt gildum Landspítala

Hæfnikröfur
» Framúrskarandi samskiptahæfileikar og leiðtogahæfileikar
» Faglegur metnaður og ábyrgð í starfi sem og einlægur áhugi á geðhjúkrun 
» Reynsla af þverfaglegri teymisvinnu 
» Skipulagshæfni og færni til að hafa góða yfirsýn yfir fjölþætt starf teymisins 
» Jákvæðni og sveigjanleiki gagnvart hinum ýmsu viðfangsefnum sem til falla í starfsemi teymisins
» Stundvísi og áreiðanleiki 
» Íslenskt hjúkrunarleyfi 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 04.06.2018

Nánari upplýsingar veitir
Díana Liz Franksdóttir - [email protected] - 824 5779
Rakel Dögg Sigurðardóttir - [email protected] - 543 4213

LSH Endurhæfingargeðdeild
v/Kleppsgarð 3
104 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn