SérfræðistörfHöfuðborgarsvæðið201806/1158Lögreglustjórinn á höfuðborgarsvæðinu

Lögreglumenn - Lögreglustjórinn á höfuðborgarsvæðinu - Reykjavík - 201806/1158

Lausar stöður við embætti lögreglustjórans á höfuðborgarsvæðinu
 
Við embætti lögreglustjórans á höfuðborgarsvæðinu eru lausar til umsóknar 30 stöður lögreglumanna á vöktum. Gert er ráð fyrir að lögreglustjóri setji í stöðurnar frá og með 1. september 2018 í 6 mánuði með skipun í huga að reynslutíma loknum. 

Umsækjandi skal hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. 

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um.

Helstu verkefni og ábyrgð
Í samræmi við reglugerð 1051/2006 um starfsstig innan lögreglunnar að m.a. halda uppi lögum og reglu í samræmi við lög, reglur og fyrirmæli, tryggja réttaröryggi borgara með störfum sínum og framkomu, greiða götu þeirra eftir því sem við á og aðstoða þegar hætta steðjar að eða slys ber að höndum, sinna verkum sem lögreglustjóri felur honum, s.s. á sviði forvarna og annars.

Hæfnikröfur
Góð samskiptahæfni og þjónustulipurð 
Aðlögunarhæfni, jákvætt viðhorf og sveigjanleiki
Frumkvæði og drifkraftur 
Aukin menntun sem nýtist í starfi er kostur

Þess er vænst að umsækjendur hafi reynslu af störfum þar sem reynt hefur á þessa eiginleika.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Umsóknir sem berast eftir að umsóknarfresti lýkur verða ekki teknar til greina. 

Öllum umsækjendum verður svarað þegar ákvörðun um setningu hefur verið tekin.

Vakin er athygli á því að að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Sækja skal um stöðurnar með rafrænum hætti á vef Starfatorgs, www.starfatorg.is 

Starfshlutfall er 100%
Umsóknarfrestur er til og með 25.06.2018

Nánari upplýsingar veitir
Ásgeir Þór Ásgeirsson - [email protected] - 444-1000
Eygló Huld Jónsdóttir - [email protected] - 444-1000

Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn